Portali informativ “GazetaOlle.com” ka publikuar dje (18 shtator) artikullin me titull “1 mijë e 844 euro për fanellën e autorit të eurogolit, Nedim Bajramit”.
Pas verifikimit të fakteve të kryer nga hibrid.info është vërtetuar se titulli i këtij artikulli nuk është i saktë, pasi fanella e futbollistit të Kombëtares së Shqipërisë, në një ankand të hapur nga Federata Shqiptare e Futbollit (këtu), është shitur për 1 mijë e 844 dollarë, e jo euro.
Vegëza e artikullit të publikuar në portalin informativ “GazetOlle.com”:
Pas hulumtimit të kryer përmes makinave online të kërkimit, hibrid.info ka gjetur vegëzën e ankandit online të publikuar në “Matchwornshirt.com”, ku shihet se fanella e Nedim Bajramit është shitur për 1 mijë e 844 dollarë. (shih këtu)
Për ta qartësuar edhe më shumë faktin se fanella e Bajramit nuk është shitur në vlerën 1 mijë e 844 euro, por dollar, e tregon fakti se në këmbimin valutor, kjo shumë në euro del të jetë rreth 1 mijë e 700. (shih këtu)
Analiza:
Pas verifikimit të fakteve është vërtetuar se portali “GazetaOlle.com” ka raportuar gabimisht se fanella e futbollistit të Kombëtares së Shqipërisë, është shitur në ankand për 1 mijë e 844 euro.
Hibrid.info ka vërtetuar se bëhet fjalë për vlerë në dollar, e jo euro. Pra, kjo shumë në dollar, në këmbimin valutor në euro del të jetë rreth 1700.
Bazuar në metodologjinë e punës, hibrid.info e vlerëson këtë artikull si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
