Disa media në gjuhën shqipe kanë publikuar dje (20 mars) një artikull me pretendimin se shqiptarët janë populli më i palumtur në Evropë, duke e radhitur Shqipërinë në vendin e 91-të nga 147 shtete.
Ky pretendim bazohet në raportin e përvitshëm të lumturisë, të publikuar nga Organizata e Kombeve të Bashkuara (OKB).
Pas verifikimit të fakteve të kryer nga hibrid.info, është vërtetuar se pretendimi i bërë në titull e artikull që Shqipëria radhitet në vendin 91-të në listën e shteteve në raportin e lumturisë është i pa saktë. Pra, në raportin e OKB-së, Shqipëria mban vendin e 83-të.
Vegëza e artikujve të publikuar nga media në gjuhën shqipe:
Pjesë të artikullit të publikuar nga media në gjuhën shqipe:
Shqiptarët janë ndër më të palumturit në Europë. Në Raportin e përvitshëm të Lumturisë të publikuar nga Organizata e Kombeve të Bashkuara, Shqipëria ka humbur një vend në pozicionim, duke u renditur në vendin e 91 nga 146 shtete gjithsej.
Pas hulumtimit të kryer përmes makinave online të kërkimit, hibrid.info ka gjetur raportin e lumturisë të publikuar nga OKB, ku Shqipëria radhitet në vendin 83 nga gjithsej 137 shtete, e jo në vendin e 91-të siç pretendohet nga mediat në gjuhën shqipe. (këtu)
Për më tepër, pretendimi se Shqipëria është shteti më i palumtur në Evropë për faktin në listë në vendin e 87-të figuron Maqedonia e Veriut dhe në vendin e 92-të është Ukraina. (këtu)
Vendet renditen sipas lumturisë bazuar në vlerësimet mesatare të jetës së tyre gjatë viteve 2020-2022.
Hibrid.info ka gjetur edhe artikujt ku është raportuar drejt lidhur me radhitjen e Shqipërisë në ranglistën e shteteve sipas lumturisë së popullsisë. (këtu, këtu dhe këtu)
Mediat në gjuhën shqipe që, gjatë raportimi për radhitjen e shteteve sipas lumturisë e kanë radhitur Shqipërinë si të 91-tën në listë, si duket i janë referuar listës së publikuar në ueb-faqen “Worldpopulationrevieë.com”, ranglistë kjo që përfshinë të dhënat e viteve 2020-2021 dhe referencë ka raportin e lumturisë të vitit 2021. (këtu)
Analiza:
Shqipëria radhitet në vendin e 83-të nga gjithsejtë 137 shtete në raportin e përvitshëm të lumturisë të publikuar nga Organizata e Kombeve të Bashkuara, e jo në vendin e 91-të siç pretendohet nga disa media në gjuhën shqipe.
Edhe pretendimi se Shqipëria është vendi më i palumtur në Evropë nuk qëndron për faktin se Maqedonia e Veriut (87) dhe Ukraina (92) gjendet më poshtë në radhitje.
Bazuar në metodologjinë e punës, hibrid.info vlerëson se pretendimet e mësipërme janë “përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
