Portali “Arbresh.info” ka publikuar një artikull me titull “Mbi 33 mijë të shëruar nga koronavirusi në botë”.
Ky artikull përmban titull të gabuar, pasi në të thuhet se numri i të personave të shëruar në botë ka kaluar shifrën 33 mijë, ndërsa në përmbajtje paraqitet numri real (33 milionë) i të shëruarve.
Një pjesë nga artikulli i publikuar në portalin “Arbresh.info”:
Mbi 33 mijë të shëruar nga koronavirusi në botë
Numri i të shëruarve nga koronavirusi i ri (COVID-19) në mbarë botën ka tejkaluar 33 milionë.
Sipas faqes së internetit “Worldometer”, e cila përpilon të dhënat mbi pandeminë, njoftohet se gjithsej 33.002.635 persona në botë janë shëruar pas infektimit me virusin.
Vegëza e artikullit të publikuar në “Arbresh.info”:
Sipas ueb-faqes “Worldometer.info”, e cila mban të dhëna rreth numrit të infektuarve me virusin Korona, thuhet se mbi 33 milionë persona janë shëruar.
Vegëza e të dhënave të publikuara në “Worldometer.info”:
https://www.worldometers.info/coronavirus/
Analizë:
Pas verifikimit nga hibrid.info, del se titulli i artikullit në Arbresh.info është i shkruar gabim, por pa qëllimin e qartë të dezinformimit të publikut. Megjithatë, fakti që ky artikull flet për një numër tjetër të shëruarve nga virusi Korona, mund të dezinformojë lexuesit e këtij portali. Ky artikull kategorizohet si “Gabim”.
Arsyetimi:
Gabim – Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.