Portali i dyshimtë në gjuhën shqipe “readkoala.com” ka publikuar një artikull me titull “Vdes Berisha, ja kush е dha lajmin е dhimbshëm”.
Në këtë artikull është vënë fotografia e ish kryeministrit të Shqipërisë, Sali Berisha, që lë të kuptohet se bëhet fjalë për vdekjen e tij.
Pas kontrollit të fakteve të kryer nga hibrid.info, ky artikull përmban titull të sajuar dhe fotografi që nuk përputhet me përmbajtjen në tekst.
Gjithashtu, lajmi është i vjetër i vitit 2018, dhe ka të bëjë me vdekjen e kunatës së Sali Berishës.
Teksti i artikullit të publikuar në portalin e dyshimtë “readkoala.com”:
Kα vdеkur në një moshë jo të vjеtër, Sαnijе Bеrishα, kunαtα е ish-kryеministrit dhе prеsidеntit të Shqipërisë Sαli Bеrishës.
Sαnijα ishtе е mαrtuαr mе Sеlim Bеrishën, vëllαun е Sαli Bеrishës. Ishte Sali Berisha, ai i cili e dha këtë lajm të dhimbshëm për familjen e tij, duke shkruar edhe një postim për kunatën e tij të ndjerë.
/ 7 sekonda pasi ta hapësh marketingun dhe vazhdo PAMJET EKSKLUZIVE në SHQIP
Vegëza e artikullit të publikuar në “readkoala.com”:
Më poshtë mund të gjeni njoftimin e bërë në Facebook nga Sali Berisha në janar të vitit 2018 për vdekjen e kunatës së tij.
https://www.facebook.com/SaliBerisha/posts/931862483641326
Analiza:
Portali i dyshimtë “readkoala.com” ka përdorur një njoftim të vjetër rreth vdekjes së kunatës së ish kryeministrit shqiptar, Sali Berisha, të cilin e ka publikuar me pretendim ta paraqesë si aktual.
Por, këtij artikulli i është vënë titull tendencioz, si dhe në fotografi shfaqet portreti i Sali Berishës, që lë të kuptohet se lajmi është vdekja e ish-kryeministrit të Shqipërisë dhe ish-kryetarit të Partisë Demokratike të këtij vendi.
Hibrid.info pas analizës së kontrollit të fakteve, e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.