Llogaria në Facebook me emrin “Al Khattab” ka publikuar dje (12 nëntor) një imazh që paraqet pamje të një tuneli.
Llogaria në fjalë pretendon se imazhi shfaq një tunel të rremë, ku ka ndodhur një shpërthim, pas së cilit kanë humbur jetën pesë persona dhe katër të tjerë të lënduar nga komandot izraelite, që kishin rënë pre e këtij tuneli të rremë.
Por pas verifikimit nga hibrid.info, është vërtetuar se imazhi është i vjetër dhe se pretendimi i publikuar nga llogaria në fjalë, nuk qëndron.
Vegëza e imazhit të publikuar në Facebook nga llogaria “Al Khattab”:
Hibrid.info pas hulumtimit përmes programit të automatizuar “InVID”, ka gjetur se imazhi i publikuar është i vjetër, i publikuar në vitin 2014 (shih këtu).
Në bazë të përshkrimit të këtij imazhi në këtë artikull, tregohet për një tunel të Hamasit të zbuluar nga ushtria izraelite në vitin 2014.
Analiza:
Një llogari në Facebook ka publikuar një fotografi të vitit 2014 në të cilën paraqitet një tunel i Hamasit i zbuluar në Gaza nga ushtria izraelite.
Me anë të këtij imazhi është pretenduar rrejshëm se pamjet e publikuara janë aktuale dhe paraqesin një tunel të rremë në të cilin ka ndodhur shpërthim, nga i cili kanë humbur jetën pesë ushtarë izraelitë dhe katër të tjerë janë lënduar.
Bazuar në metodologjinë e punës, hibrid.info e vlerëson këtë postim si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
