Shkroi: Etrit Rexhepi
Një llogari me emrin “Driton Gusia” ka publikuar më 27 mars në grupin publik “Vrojtuesit e lagjes – Prishtinë”, një video të faqes “A1TV” (këtu), në Facebook.
Videos e cila shfaq një hidrant të zjarrfikësve të vendosur në mes të një shtegu të biçikletave, i është vendosur mbishkrimi “Vetem nw Kosove!”, nga llogaria në fjalë.
Pas kontrollit nga hibrid.info, është vërtetuar se pamjet në video paraqesin një shteg të biçikletave në Koprivnicë të Kroacisë.
Vegëza video-materialit të publikuar në grupin “Vrojtuesit e lagjes – Prishtinë” nga llogaria “Driton Gusia”:
Grupi publik “Vrojtueslit e lagjes — Prishtinë” në Facebook numëron 8 mijë e 500 anëtarë (shih këtu).
Pas kërkimit me anë të makinave të kërkimit, hibrid.info e ka gjetur të publikuar të njëjtën video në një faqe me emrin “Podravski list” në Facebook në gjuhën kroate, me mbishkrimin që tregon se pamjet shfaqin një rrugë në Koprivnicë të Kroacisë (shih këtu).
Po ashtu edhe një artikull i gjetur në mediumin në gjuhën sllovene “n1info.si” në lidhje me videon në fjalë, njofton se shtegu i biçikletave me hidrantin e zjarrfikësve në mes, gjendet në Koprivnicë (shih këtu).
Analiza:
Pretendimi se hidranti i zjarrfikësve në mes të një shteg të biçikletave është vendosur në një rrugë në Kosovë, nuk është i vërtetë.
Hibrid.info ka gjetur se videoja e shfaq pamje të marra nga një shteg i biçikletave në Koprivnicë të Kroacisë.
Bazuar në metodologjinë e punës, hibrid.info e vlerëson këtë përmbajtje si “Përmbajtje e paverifikuar”.
Arsyetimi:
Vlerësimi “I pa verifikuar” u bëhet atyre përmbajtjeve informative që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur të verifikohen për shkak të rrethanave të caktuara (shpejtësisë, mungesës së burimeve) gjatë publikimit të përmbajtjes.
