Portale të dyshimta në gjuhën shqipe kanë publikuar një artikull me titull “Video e rëndë nga Turqia, teksa shpëtimtari e filmon live, katërvjeçarja Azra ndërron jéte në krahët e tij”.
Pas verifikimit të fakteve të kryer nga hibrid.info, është gjetur se vajza 4 vjeçare ka ndërruar jetë pas trajtimit mjekësor të marrë në spitalin e Adanas, dhe jo në krahët e shpëtimtarit teksa ai e filmonte, siç pretendohet në titull.
Vegëza e artikujve të publikuar në portalet “media.lajmengabota.com”, “mesazhi.medialajme.info” dhe “jnews3.com”:
Përveç në këto portale të dyshimta, artikulli është shpërndarë edhe në median sociale Facebook nga faqet “lajme ditore”, “lajme globale”, “Revista Kosova”.
Pas hulumtimit të kryer përmes makinave online të kërkimit, hibrid.info ka arritur të gjejë lajmin që ka të bëjë me vogëlushen në mediat turke. (këtu)
Në këtë artikull bëhet e qartë se, 4 vjeçarja nuk ka ndërruar jetë në krahët e shpëtimtarit siç pretendohet në titull, por në spitalin e qytetit të Adana, pas tretmanit mjekësorë që ka marrë.
Analiza:
Portale të dyshimta në gjuhën shqipe kanë publikuar një artikull me pretendimin në titull se gjatë tërmetit në Turqi vogëlushja 4 vjeçare Azra Duru ka ndërruar jetë në krahët e shpëtimtarit, teksa ai e filmonte drejtpërdrejt me telefon.
Pas verifikimit të fakteve, është gjetur se vogëlushja nuk ka ndërruar jetë në krahët e shpëtimtarit, por në spitalit e qytetit Adana, pas trajtimit mjekësorë që ka marrë.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
