Portali “IndeksOnline.net” ka publikuar një artikull me titull “Si ta dalloni gripin sezonal, nga simptomat e koronavirusit”.
Në këtë artikull paraqiten simptoma të pretenduar rreth virusit korona dhe simptomave të gripit sezonal. Megjithatë, këtij teksti i mungon burimi i informacionit, si dhe faktet e paraqitura në këtë tekst nuk përputhen me të dhënat e institucioneve relevante ndërkombëtare, siç është edhe Qendrën për Kontrollin dhe Parandalimin e Sëmundjeve në Shtetet e Bashkuara të Amerikës.
Një pjesë e tekstit të publikuar në IndeksOnline.net:
Të dy infeksionet rezultojnë me një kollë dhe ethe, si edhe një ndjenjë të përgjithshme të dobësisë, shkruan Indeksonline.
Dhimbja e fytit, dhimbja e kokës, dhimbja e muskujve, rrjedhja e hundëve janë më të zakonshme te njerëzit me gripin sezonal, ndërsa humbja e nuhatjes dhe shijes është tipike te njerëzit që janë pozitivë me Covid-19.
Vegëza e artikullit të botuar në IndeksOnline.net:
Qendra për kontrollin dhe Parandalimin e Sëmundjeve në SHBA, në ueb-faqen e tyre kanë publikuar simptomat që mund të kenë njerëzit e infektuar me virusin Korona:
Ethe ose të dridhura
Kollitja
Gulçim ose vështirësi në frymëmarrje
Lodhja
Dhimbje të muskujve ose trupit
Dhimbje koke
Humbje e re e shijes ose erë
Dhimbje të fytit
Mbingarkesë ose rrjedhje hundësh
Të përziera ose të vjella
Diarre
Përkundër këtij fakti, IndeksOnline.net, disa nga këto simptoma i ka quajtur vetëm simptoma të gripit sezonal, duke mos paraqitur asnjë burim informacioni se nga ku është marrë ky pretendim.
Vegëza e ueb-faqes së Qendrs për Kontrollin dhe Parandalimin e Sëmundjeve (CDC), me informatat për simptomat e COVID-19:
https://www.cdc.gov/coronavirus/2019-ncov/symptoms-testing/symptoms.html
Analiza:
Artikulli i publikuar në IndeksOnline.net, nuk ka burim të informacionit, që tregon qartë se nga është marrë ky studim. Gjithashtu, faktet që paraqiten në tekst nuk janë të verifikuara. Ky artikull hyn në kategorinë si “Dezinformatë” dhe “Përmbajtje e pa verifikuar”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.