Artikulli me titull “Qeveria jep nje lajm shumë të mir për orarin e lëvizjes në Kosovë”, është publikuar nga portali i dyshimtë “Mergata.eu”.
Ky artikull përmban titull të sajuar, i cili nuk përputhet me tekstin. Në përmbajtje gjendet një lajm tërësisht tjetër, i cili ka të bëjë me donacionin e maskave të sjella në Kosovë nga diaspora me datën 27 korrik.
Teksti i artikullit të publikuar në “Mergata.eu”:
Qeveria jep nje lajm shumë të mir për orarin e lëvizjes në Kosovë
Qeveria e Kosovës do të bëjë shpërndarjen e disa makave fAls për qytetarët e Kosovës nëpër komuna. Kjo u bë e ditur nga ana e Ministrit të Shëndetsis, Armend Zemaj.
Sot në emër të Qeverisë, zv-kryeministri Besnik Tahiri do të jap lajmin se do të shpërndahet në të gjitha komunat e Kosovës një donacion i ardhur nga diasporaJanë më shumë se gjysmë milioni maska që do të shpë rndahen në duartë e qyyetarëve tanë”
Vegëza e artikullit të publikar në “Mergata.eu”:
https://mergata.eu/qeveria-jep-nje-lajm-shume-te-mir-per-orarin-e-levizjes-ne-kosove/
Ky portal i dyshimtë ka përdorur një lajm të vjetër, të cilit i ka vendosur një titull të rremë, për të tërhequr vëmendjen e lexuesve.
Më poshtë mund të shihni artikullin origjinal të publikuar në kohë reale nga disa media online:
Analiza:
Artikulli i “Mergata.eu” posedon titull të rremë që nuk përputhet me tekstin. Gjithashtu, lajmi i përdorur në këtë shkrim është i vjetër. Ky artikull kategorizohet si “Clickbait” dhe “Dezinformatë”.
Arsyetimi:
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.