Zhvillimet e fundit në veri të Kosovës janë duke shërbyer në masë të madhe edhe për ndërtimin e lajmeve me pretendime të rreme. Këto pretendime janë shpërndarë përgjatë këtyre 7 ditëve të aktivitetit të shtuar të Policisë së Kosovës në pjesën veriore të Kosovës.
Hibrid.info ka sjellë disa nga pretendimet e rreme që janë shpërndarë në portalet e dyshimta (shih këtu listen, sipas metodologjisë së hibrid.info), e të cilat po nxisin trafik të gjerë në mediat sociale.
Në mesin e titujve të lajmeve të tilla që po ngjallin më shumë reagim janë ato që po pretendojnë të paraqesin deklarata kërcënuese të zyrtarëve politikë e institucionalë nga Kosova e Serbia.
Vegëzat e disa prej publikimeve me pretendime të rreme nga disa portale të dyshimt:
Në vegëzen e parë paraqitet një lajm nga portali i dyshimtë “gazetamitorvica.com” ku pretendohet se udhëheqësi i subjektit politik “Lista Serbe”, Goran Rakiq, të ketë thënë se “Edhe naj ditë do e marrim krejtë Kosovën, do ta shihni!”.
Në vegëzen e dytë paraqitet lajmi i portalit tjetër të dyshimtë “postlajme.net”. Në këtë artikull pretendohet të paraqitet një deklaratë e paqenë e kryeministrit të Kosovë, Albin Kurtit, gjoja se ka deklaruar se “Kurti Hallakat Serbët, Do Të Kërkojë Leje Nga KFOR-I Për Dërgimin E Ushtrisë Së Kosovës Në Veri?”
Nga kontrolli i fakteve të bërë nga hibrid.info është vërtetuar se këto pretendime janë të pavërteta.
Hibrid.info gjatë këtyre ditëve ka publikuar një sërë dekonspirime të lajmeve të rreme, që ndërlidhen me zhvillimet e fundit në vend.