Kategoria: #Lajm i rremë
Lajmi për rrezikun nga i ashtuquajturi burrë i veshur si grua, e cila po i grabitë fëmijët, është konstatuar si i pavërtetë. Më vonë, i njëjti person është konstatuar se është një grua rome, e riatdhesuar së fundmi në Kosovë dhe e cila nuk paraqet kurrfarë rreziku. Si rezultat publikimit të këtyre lajmeve, kjo grua është kanosur me sulme të ndryshme nga qytetarët në shumë qytete të Kosovës.
Më poshtë mund të lexoni verifikimin e saktësisë së këtyre lajmeve.
Lajmi i rremë:
Fëmijët në Kosovë po ndihen të rrezikuar nga një grup njerëzish që po shfaqen para shkollave të tyre.Në rrjetet sociale po qarkullon një lajm se një person i veshur me rroba të femrave dhe me make-up po shëtit rrugëve të Malishevës, Suharekës dhe disa qyteteve tjera.
Qytetarët e kësaj ane janë alarmuar ku kanë shpërndarë disa fotografi të këtij personi duke bërë apel të kenë kujdes të shtuar prindërit dhe fëmijët.
Këtë lajm e ka konfirmuar për inFokus, zëdhënësi i policisë së Prizrenit, Vesel Gashi.“Në Policinë e Prizrenit nuk është raportuar një rast i tillë. Por kemi informacione për komunë e Malishevës. Për më shumë detaje telefononi atje”, ka thënë Gashi.
Disa nga titujt e këtij lajmi të rremë të publikuar nga mediat:
Verifikimi:
Lajmet e publikuara në disa media online të Kosovës për rrezikun se një mashkull i maskuar si një femër po grabitë fëmijë, është vërtetuar si një lajm i rremë, pas vërtetimit përmes deklaratave pasuese të zyrtarëve të Policisë së Kosovës të publikuara në ditët në vijim.
Ky lajm kategorizohet si “Lajm i rremë” pasi që përmban informacione faktikisht të gabuara.