Agjencia e lajmeve “KosovaPress.com” ka publikuar artikullin me titull “6 shqetësimet e zakonshme që njerëzit përjetojnë për shkak të pasojave të koronavirusit”.
Në këtë artikull shkruan se përveç frikës nga infeksioni, pandemia COVID-19 ka pasoja shumë më të gjera të cilat paraqesin një sfidë të veçantë për shëndetin mendor të grupeve të ndryshme të moshës. Megjithatë, këtij shkrimi i mungon burimi i informacionit se nga cili studim apo hulumtim janë marrë këto fakte.
Lajmi i njëjtë është publikuar edhe nga disa media tjera online, të cilat e kanë cituar si burim agjencinë e lajmeve KosovaPress.com.
Vegëzat e artikullit të botuar në mediat online:
Në këtë artikull janë listuar disa nga efektet negative të pretenduara që shkaktohen nga COVID-19 në shëndetin mendor. Të gjitha mund të jenë të vërteta, mirëpo asnjëra nuk kanë ndonjë referencë shkencore që e forcon faktin e pretenduar në artikull.
Ekipi i hibrid.info ka bërë hulumtim me disa nga fjalët-kyçe të marra nga ky artikull në makinën e kërkimit “Google” dhe ka gjetur një sërë publikime të ngjashme në gjuhën angleze, të cilat janë të bazuara në referenca, por jo diçka autentike me artikullin e publikuar nga “Kosovapress.com”.
Analiza:
Në këtë artikull mungon burimi i informacionit, që tregon qartë se nga është marrë ky studim. Gjithashtu, faktet që paraqiten në tekst nuk janë të verifikuara. Hibrid.info këtë artikull e kategorizon si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.