Portali i dyshimtë “Kosalb.net” vazhdon të publikojë lajme jo të vërteta. Këtë herë ka publikuar një artikull me titull “Molliqaj: ‘Më përpara bashkpunojm me listen Srbska, se me Albin Kurtin’”.
Pas verifikimit të fakteve nga hibrid.info, është konstatuar se ky artikull ka titull dhe përmbajtje të sajuara, meqenëse lajmi i pretenduar nuk është publikuar në asnjë medium kredibil.
Teksti i artikullit të publikuar nga Kosalb.net:
Molliqaj: ‘Më përpara bashkpunojm me listen Srbska, se me Albin Kurtin.’
Kryetrari i PSD-së, Dardan Molliqaj tha se partia e tij momentalisht nuk e ka në plan të bëj koalicion me asnjë parti, por ai tha më përpara bëjm marrëveshje me listen Srbska, sesa me Albin Kurtin.
Molliqaj tha: ‘Ne si parti asnjëherë nuk bëjm marrëveshje me Kurtin, me përpara hyjm ne koalicon me Listen Srbska sesa me Vetëvendosjen.’ happeni happsiren e më p00shtme ndiqniii pamjjet
Vegëza e artikullit të publikuar nga Kosalb.net:
Analiza:
Shkrimi nga Kosalb.net përmban titull dhe tekst të rremë. Pas verifikimit nga hibrid.info ky artikull kategorizohet si “Lajm i rremë”, “Dezinformatë” dhe “Clickbait”. Ky lloj i artikullit, me anë të titullit të rremë synon që të tërheqë lexuesit dhe të përfitohet materialisht përmes klikimeve të arritura nga shpërndarjet në rrjete sociale.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.