Shkroi: Etrit Rexhepi
Publikohet një artikull i titulluar “Gjendet një trup i pajetë, dyshohet se është i doktorit të njohur”.
Lajmi është publikuar dje (9 qershor) nga portali me përmbajtje në gjuhën shqipe, “kosova-sot.info”.
Çka i mungon titullit të artikullit?
Në titull nuk bëhet e ditur se ngjarja ka ndodhur në Greqi.
Vegëza e artikullit të publikuar nga portali “kosova-sot.info”:
https://archive.is/2byGn#selection-401.0-418.0
Vend-ndodhja e lajmit tregohet vetëm në kreun e tekstit, kur thuhet se “Një trup i pajetë është gjetur në kërkimin që autoritetet po e bënin për prezantuesin e zhdukur të televizionit britanik, Michael Mosley në Greqi…”.
Marrë parasysh faktin që portali në fjalë është i regjistruar në Kosovë (shih këtu), titulli në fjalë, mund të lë vend për keqinformim te lexuesit e mundshëm të këtij artikulli, se ngjarja ka ndodhur në Kosovë.
Po ashtu edhe artikujt të publikuar nga mediat në gjuhën angleze, të gjetura nga hibrid.info, tregojnë se ngjarja në fjalë ka ndodhur në Greqi (shih këtu, këtu dhe këtu).
Analiza:
Titulli i një artikulli që njofton për trupin e pajetë të një doktori të njohur, është përgjithësues.
Lajmi i publikuar nga një medium me audiencë shqip-folëse, nuk tregon se ngjarja ka ndodhur në Greqi.
Andaj, bazuar në metodologjinë e punës, hibrid.info e vlerëson këtë përmbajtje si “Clickbait”.
Arsyetimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
