Shkroi: Fatbardh Dema
Është publikuar një video që tregon pamjet e brendshme të një veture, ku shihet ujë duke rrjedhur nga tavani i saj.
“Shqiptari ankohet për makinën që i ka ardhur nga Korea”, thuhet në përshkrimin e kësaj videoje.
Përmbajtja u publikua dje 14 prill në Facebook nga faqja “MediaNews.al”.
Çka gjeti hibrid.info?
Pas një hulumtimi të kryer nga hibrid.info, u konstatua se kjo përmbajtje ka qarkulluar në internet që nga muaji mars i këtij viti, e publikuar nga një faqe azere, dhe bazuar në mbishkrimin e saj bëhet fjalë një veturë të prodhuar nga kompania kineze “Jetour”.
Përmes programit të automatizuar “InVID”, hibrid.info ka gjetur të njëjtën video të publikuar më 17 mars në Facebook nga faqja në gjuhën azere “Express Xeberler”.
Në videon e publikuar nga faqja me përmbajtje në gjuhën azere, në mbishkrim është vendosur fjala “Jetour”, qw pas hulumtimit tw kryer nga hibrid.info, ky emër i përket kompanisë kineze të automjeteve “Jetour”.
Po ashtu, në mbishkrim të videos është vendosur pyetja “bu neden ola biler?” që në shqip përkthehet “Çka mund të jetë kjo?”.
Analiza
Një video që shfaq pamjet e brendshme të një veture, ku shihet ujë duke rrjedhur nga tavani, është publikuar më 14 prill në faqen “MediaNews.al”, me përshkrimin se “Shqiptari ankohet për makinën që i ka ardhur nga Korea”.
Megjithatë, pas hulumtimit të kryer nga hibrid.info, rezulton se kjo video ka qarkulluar në internet që nga muaji mars dhe bazuar në përshkrimin e saj bëhet fjalë për një veturë të prodhuar në Kinë nga kompania “Jetour”.
Bazuar në metodologjinë e punës, hibrid.info e vlerëson këtë përmbajtje si të “paverifikuar”.
Arsyetimi
Vlerësimi “I pa verifikuar” u bëhet atyre përmbajtjeve informative që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur të verifikohen për shkak të rrethanave të caktuara (shpejtësisë, mungesës së burimeve) gjatë publikimit të përmbajtjes.
