Disa media në gjuhën serbe kanë publikuar një artikull sot (26/06/2023) me përmbajte që ngritë pretendimin e pabazuar se, siç thuhet, “Prishtina kishte përgatitur arrestime masive dhe brutale të serbëve në ditën e Vidovdanit në Gazimestan”.
Pretendimi bazohet në frazimin “siç mëson Novosti”, ku sipas tyre, me urdhër të regjimit në Prishtinë, Policia e Kosovës ka planifikuar të torturojë vizitorët për Vidovdan në Gazimestan, ku dhe janë vendosur kamera.
Përveç frazimit “siç mëson Novosti”, që lë të kuptohet që është burim i informacioni i këtij mediumi, ndonëse i pa specifikuar, nuk ofrohet ndonjë fakt apo fotografi tjetër kredibile për pretendimin e bërë.
Vegëza e artikujve të publikuar në mediat në gjuhën serbe:
https://informer.rs/vesti/politika/806162/gazimestan-pristina-hapsenje
Pjesë të artikullit të publikuar në mediat në gjuhën serbe:
Sic mwson “Novosti”, me urdhër të regjimit në Prishtinë, anëtarët e të ashtuquajturit i Policisë së Kosovës ka planifikuar të torturojë vizitorët për Vidovdan në Gazimestan, ku është alarmuar e gjithë zona dhe janë vendosur kamera. Plani ishte një arrestim shumë më brutal dhe masiv i serbëve, i cili ndodh çdo vit në festën e Vidovdanit në Gazimestan.
Pretendimi për planifikim të “arrestimit të serbëve në mënyrë brutale dhe masive në Vidovdan” bazohet vetëm në frazimin “siç mëson Novosti” duke mos e specifikuar burimin dhe ofruar informacione shtesë për ta mbështetur pretendimin.
Përkundër faktit se pretendohet se janë vendosur kamerat në Gazimestan, nuk ofrohen fotografi nga vendi ku shihen kamerat e vendosura për të cilat pretendohet.
Për më tepër, Policia e Kosovës nuk e ka bërë publik ndonjë plan të sigurisë së ofruar në ditën e Vidovdanit në Gazimestan.
Analiza:
Nuk ofrohen fakte për ekzistimin e një plani për arrestim masiv dhe brutal të serbëve në ditën e Vidovdanit në Gazimestan.
Bazuar në metodologjinë e punës, hibrid.info këtë pretendim e vlerëson si “përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
