Faqja në Facebook me emrin “The Reis” ka publikuar një video-material teksa shfaqen momente të rrëzimit të dy helikopterëve.
Në mbishkrimin e publikimit nuk bëhet i qartë pretendimi por duke u bazuar nga aktiviteti i kësaj faqe në Facebook, nënkuptohet që video-materiali pretendon të shfaq momentin e rrëzimit të helikopterëve izraelitë.
Materiali i publikuar është kontrolluar nga kontrollues të fakteve të cilat kanë verifikuar se pamjet e shfaqura janë marrë nga një video-lojë.
Vegëza e video-materialit të publikuar në Facebook nga faqja “The Reis”:
https://www.facebook.com/Reis1954/posts/654717950080431
Paraprakisht Facebook e jep njoftimin se video-materiali është kontrolluar nga kontrollues të fakteve duke e cilësuar publikimin si informacion të rremë.
“Teyit.org, platforma turke për verifikimin e fakteve ka hulumtuar dhe ka gjetur se pamjet janë marrë nga një video-lojë me emrin ‘Arma 3’ dhe se nuk kanë të bëjnë me atë që është pretenduar nga publikuesit e video-materialit, të cilët janë munduar t’i paraqesin pamjet si reale. (shih këtu)
Materiali i marr nga video-loja “Arma” është gjetur e publikuar edhe në Youtube. (shih këtu dhe këtu)
Analiza:
Një faqe në Facebook ka publikuar video-material ku shihen pamje të rrëzimit të dy helikopterëve, për të cilët nënkuptohet që pretendon të shfaq momentin e rrëzimit të helikopterëve izraelitë.
Por që në bazë të verifikimit nga kontrolluesi i fakteve “teyit.org” është kuptuar se pamjet e shfaqura nuk janë reale dhe se ato janë marrë nga një video-lojë.
Bazuar në metodologjinë e punës, hibrid.info e vlerëson përmbajtjen si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
