Një llogari në median sociale Facebook me emrin “Blerta Pupi Mile” ka publikuar dje (18 mars) një postim me pretendimin se familja mbretërore britanike “Buckingham Palace” ka njoftuar për vdekjen e mbretit Charles III.
Ky pretendim i rremë për vdekjen e mbretit Charles III është publikuar edhe në platformën X (ish-Twitter) nga një llogari në gjuhën ruse “GazetaRu”. (këtu)
Pas hulumtimit të kryer përmes makinave online të kërkimit, hibrid.info ka vërtetuar se pretendimi për vdekjen e mbretit Charles III është i rremë.
Platforma për kontroll faktesh nga Spanja “Newtral.es” ka marr përgjigje nga “Buckingham Palace”, në të cilën thuhet se “madhështia e tij vazhdon me punët e tij zyrtare dhe private”.
Vegëza e postimit të publikuar në Facebook nga llogaria në gjuhën shqipe “Blerta Pupi Mile”:
Në lidhje me deklaratën e pretenduar të lëshuar nga Familja Mbretërore Britanike që informon për vdekjen e Charles III më 18 mars, Buckingham Palace ka thënë për Newtral.es se “madhështia e tij vazhdon me punët e tij zyrtare dhe private “, kështu që nuk është e vërtetë që ai ka vdekur. (këtu)
Ambasada britanike në Rusi ka shfrytëzuar llogarinë në median sociale X (ish-Twitter), ku ka reaguar në lidhje me këtë pretendim, duke thënë “Raportet për vdekjen e mbretit Charles III të Britanisë së Madhe janë të rreme!”. (shih këtu)
Po ashtu, në ueb-faqe zyrtare të familjes mbretërore britanike “Royal.uk”, nuk gjendet asnjë komunikatë e lëshuar, që provon se dokumenti i publikuar për vdekjen e Charles III, të jetë zyrtar. (këtu)
Analiza:
Pas hulumtimit të kryer nga hibrid.info, është vërtetuar se pretendimi për vdekjen e mbretit Charles III, është i rremë.
Gjithashtu, dokumenti që paraqitet si zyrtar i lëshuar nga “Buckingham Palace”, nuk është gjetur i publikuar në ueb-faqen zyrtare të familjes mbretërore britanike.
Platforma për kontroll faktesh nga Spanja “Neëtral.es” ka marr përgjigje nga “Buckingham Palace”, përmes së cilës thuhet “madhështia e tij vazhdon me punët e tij zyrtare dhe private”.
Pra, edhe postimi i bërë në gjuhën shqipe nga një llogari në Facebook që pretendon për vdekjen e mbretit Charles III, vlerësohet si “Lajm i rremë”.
Arsyetimi:
Vlerësimin “Lajm i rremë” e marrin ato përmbajtje informative që janë tërësish të sajuara apo të cilat në vete përmbajnë pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.