Një portal i dyshimtë me adresë “news96post.com”, përmes një artikulli, ka pretenduar se nëna e ish-Presidentit Hashim Thaçi është në gjendje të vështirë shëndetësore. Për me tepër, në këtë artikull thuhet se, sipas burimeve, ajo ka ndërruar jetë në spital. Mirëpo një pretendim i tillë rezulton të jetë i pavërtetë.
Nga hulumtimi i hibrid.info, del se ky artikull është tërësisht i sajuar, i pa bazuar në ndonjë artikull tjetër të publikuar më parë.
Pjesë të përmbajtjes autentike (përfshi edhe gabimet drejtshkrimore) të këtij artikulli:
-Bur.ime të Iajmi.net br.enda spitaIit, kanë thënë se gje.ndja shën.detësore e nenes se Hashim Thacit, vazhdon të jetë e rë.ndë.
“Vazhdon me qenë në gje.ndje të rë.ndë shënd.etësore, është e paIëv.izshme. Nuk gux.ojnë me e op.eru sh.kaku i gje.ndjes së rën.dë”, ka thënë ky burim.
-Disa burime te pa sakta kane thene se ka nderruar jete , por na mbetet te presim per pergjigjen e vertete dhe te sakte , te lutemi per shendetin e saj te gjithe.
-Bur.ime të Iajmi.net br.enda spitaIit, kanë thënë se gje.ndja shën.detësore e nenes se Hashim Thacit, vazhdon të jetë e rë.ndë.
“Vazhdon me qenë në gje.ndje të rë.ndë shënd.etësore, është e paIëv.izshme. Nuk gux.ojnë me e op.eru sh.kaku i gje.ndjes së rën.dë”, ka thënë ky burim.
Vegëza e artikulli të publikuar në “news96post.com”:
Në përmbajtje të këtij artikulli pretendohet se ky lajm është marr nga portali informues lajmi.net. Mirëpo, përkundër hulumtimit të bërë nga hibrid.info në publikimet e këtij portale, nuk është arritur të gjendet një lajm i tillë.
Publikimet e fundit që kanë bëjnë me nënën e ish-Presidentit Thaçi, të bëra nga mediat online, ndërlidhen vetëm me urimi që ky i fundit i ka bërë asaj për ditëlindjen tetëdhjetekatër (84), më 4 gusht, përmes një telefonate.
Vegëza e publikimit të urimit:
Analiza:
Portali i dyshimtë “news96post.com”, rezulton se ka publikuar një artikull tërësisht të rremë, me një tregim të trilluar.
Hibrid.info, në bazë të metodologjisë së punës, e vlerëson këtë artikull si “lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
