Portali i dyshimtë me përmbajtje në gjuhën shqipe “viraln32.com” ka publikuar me datë 8 korrik një shpallje të rreme për shitjen e një banese, duke i vënë çmim jo real.
Pas verifikimit të fakteve dhe hulumtimit të kryer përmes makinave online të kërkimit, hibrid.info ka vërtetuar se fotografia e nuk korrespondon me përmbajtjen. Pra, nuk bëhet fjalë për apartamentin që paraqitet në imazh.
Vegëza e artikullit të publikuar në portalin e dyshimtë:
Artikulli me shpallje të rreme i publikuar nga portali i dyshimtë “viraln32.com” është shpërndarë edhe në Facebook nga faqet “Lajme IN” dhe “Albagraph7”. (shih këtu dhe këtu)
Pas hulumtimit të bërë përmes programit te automatizuar online “InVID”, hibrid.info ka arritur të vërtetojë se fotografia e këtij apartamenti që shfaqet në artikull i përket një shpalljeje tjetër.
Banesa që shihet në këtë fotografi gjendet në Durrës në Shqipëri, e cila është në shitje për 50 mijë euro dhe ka vetëm 50 metra katrorë. (shih këtu)
Ndërsa në përmbajtje të artikullit të publikuar, hibrid.info ka gjetur se përshkrimi është i një apartamenti tjetër që gjendet në Tiranë, i cili është në shitje për 220 mijë euro. (shih këtu)
Kjo nuk është hera e parë që kjo shpallje e rreme për shitjen e kësaj banese publikohet nga portale të dyshimta, të cilat po ashtu janë trajtuar nga hibrid.info. (shih këtu dhe këtu)
Analiza:
Portali i dyshimtë “viraln32.com” ka publikuar një shpallje të rreme për shitje të një banese, duke pretenduar se ajo është urgjentisht në shitje për 49,990 euro.
Bazuar në verifikimin e fakteve, është vërtetuar se përshkrimi i kësaj shpallje i përket një banese tjetër që gjendet në Tiranë, dhe jo asaj që pretendohet dhe mban çmimin 220 mijë euro.
Ndërsa në fotografi paraqitet shpallja e një banese tjetër që gjendet në Durrës, e cila është 50 metra katrorë dhe mban çmimin 50 mijë euro.
Duke u bazuar në metodologjinë e punës, hibrid.info e vlerëson këtë artikull me këtë shpallje si “Mashtrim”.