Portali “GazetaBlic.com” në faqen zyrtare në Facebook kushtuar sportit “GazetaBlic Sport”, dje (4 maj) ka publikuar një postim me pretendimin se sulmuesi kosovar i Mallorca-s, Vedat Muriqi, ka arritur në kuotën e 12 golave me ekipin spanjoll gjatë këtij sezoni.
Mirëpo, pas verifikimit të fakteve të kryer nga hibrid.info, është vërtetuar se ky pretendim është i pasaktë, pasi që Muriqi tashmë ka arritur të realizojë gjithsej 13 gola për Mallorca-n.
Vegëza e postimit në Facebook nga faqja “GazetaBlic Sport”:
Pas hulumtimit në ueb-faqen zyrtare të ligës spanjolle në futboll “La Liga” në rubrikën e golashënuesve më të mirë të këtij sezoni, shihet se Vedat Muriqi aktualisht zë pozitën e 5-të në tabelë me 13 gola të shënuar. (shih këtu)
Screenshot i tabelës së golashënuesve më të mirë të sezonit 2022/23 në La Liga
Muriqi mbrëmë realizoi golin e 13-të në këtë sezon, dhe këtë e arriti në ndeshjen kundër Girona-s, të cilën skuadra e tij e humbi me rezultat 2 me 1. (shih këtu)
Analiza:
Faqja në Facebook “GazetaBlic Sport” ka pretenduar gabimisht se Vedat Muriqi ka shënuar 12 gola këtë sezon me skuadrën spanjolle Mallorca.
Pas verifikimit të fakteve, është vërtetuar se sulmuesi kosovar deri tani ka arritur kuotën e 13 golave në ligën spanjolle “La Liga”.
Bazuar në metodologjinë e punës, hibrid.info e vlerëson këtë pretendim si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.