Portali informativ “Sinjali.com” ka publikuar sot (14 janar) artikullin me titull “Tërmet në Kosovë”.
Pas verifikimit të fakteve të kryer nga hibrid.info, është vërtetuar se në Kosovë nuk ka ndodhur tërmet gjatë ditës së sotme (14 janar), por një i tillë ka goditur Rumaninë, e që dridhjet janë ndjerë edhe në vendin tonë.
Gjithashtu, në përmbajtje të këtij artikulli të publikuar nga Sinjali.com, nuk sqarohet se ku ishte epiqendra e këtij tërmeti.
Vegëza e artikullit të publikuar në portalin “Sinjali.com”:
Hibrid.info ka hulumtuar në platformën online të Qendrës Sizmologjike Evropiane-Mesdhetare (ESCM), e cila raporton për tërmetet që godasin pjesën e Evropës, që qartësohet se në Rumani ishte epiqendra e këtij tërmeti prej 5.7 ballësh. (shih këtu)
Analiza:
Portali “Sinjali.com” ka publikuar një artikull me pretendimin se një tërmet ka godit sot (14 janar) Kosovën, e që dridhjet e tij janë ndjerë në disa qytete.
Pas verifikimit të fakteve, hibrid.info ka vërtetuar se epiqendra e këtij tërmeti nuk ishte në Kosovë, por në Rumani, e që dridhjet e tij janë ndjerë edhe në vendin tonë.
Bazuar në metodologjinë e punës, hibrid.info e vlerëson këtë artikull si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.