Në të përditshmen serbe “Alo.rs” është publikuar dje (17 tetor) një artikull në lidhje me grisjen dhe heqjen e flamurit serb nga Monumenti i serbëve të vrarë dhe të rrëmbyer që ndodhët në fshatin Hoçë të Madhe. Artikulli është i bazuar në një reagim të Zyrës për Kosovën në Qeverinë e Serbisë, e cila rastin e interpreton si frymëzim nga “deklaratat dhe veprimet anti-serbe të politikanëve nga Prishtina të cilët nuk kanë respekt për serbët e mbetur në Kosovë dhe nuk u japin paqe serbëve të vdekur”.
Edhe pse nuk dihet se nga kush është kryesi i veprës, ky institucion serb pretendon pa fakte se kjo “është bërë nga ‘ekstremistët nga Kosova’”.
Vegëza e artikullit të publikuar në “Alo.rs”:
https://www.alo.rs/vesti/kim/683231/ne-daju-mira-ni-mrtvim-srbima/vest
Pjesë të artikullit të publikuar në “Alo.rs”:
Ekstremistët nga Kosova dhe Metohija përdhosën monumentin e serbëve të vrarë dhe të rrëmbyer në Hoçën e Madhe.
Në natën e së shtunës dhe të dielës, flamuri serb është grisur dhe është hequr nga Monumenti i serbëve të vrarë dhe të rrëmbyer në Hoçë të Madhe, ka njoftuar Zyra për Kosovë dhe Metohi. Të dielën përfaqësuesit e Autoritetit të Përkohshëm të Komunës së Rahovecit vendosën menjëherë një trengjyrësh të ri.
Vegëza e deklaratës së Zyrës për Kosovën:
https://www.kim.gov.rs/v4903.php
Pjesë të deklaratës së Zyrës për Kosovën:
Natën e së shtunës dhe të dielës, flamuri i Serbisë u gris dhe u hoq nga Monumenti i serbëve të vrarë dhe të rrëmbyer në Hoçë të Madhe.
Nuk ka dyshim se incidente të tilla të turpshme e kanë bazën e tyre në deklaratat dhe veprimet antiserbe të politikanëve nga Prishtina të cilët nuk kanë respekt për serbët e mbetur në Kosovë e Metohi dhe nuk u japin paqe serbëve të vdekur, të cilëve. edhe varret dhe monumentet që shpeshherë i vandalizojnë.
Për rastin e ndodhur në Hoçë të Madhe të Rahovecit, Zyra për Kosovën nuk ofron fakte konkrete rreth ngjarjes dhe pretendimit të bërë dhe kryesit e veprës i quan “ekstremistë”.
Për më tepër, interpretimi i zyrës se kjo po bëhet nga deklaratat dhe veprimet anti-serbe të politikanëve nga Prishtina të cilët nuk kanë respekt për serbët e mbetur në Kosovë është pretendim tendencioz dhe i pabazuar në fakte konkrete.
Analiza:
Mediumi serb “Alo.rs” ka publikuar një artikull të bazuar në një deklaratë të lëshuar nga Zyra për Kosovën në Qeverinë e Serbisë në lidhje me grisjen dhe heqjen e flamurit serb nga Monumenti i serbëve të vrarë dhe të rrëmbyer në Hoçë të Madhe në Rahovec.
Kjo zyre, ndërlidhur me këtë ngjarje hedh pretendime të pabaza se kryesit e kësaj vepre, siç shprehen, janë ekstremistët e Kosovës, si shprehje e urrejtjes ndaj komunitetit serb, e nxitur nga Prishtina zyrtare me qëllim dëbimin e tyre nga Kosova.
Bazuar në analizën e fakteve, rezulton që ky pretendim i Zyrës për Kosovën në Qeverinë e Serbisë, të vlerësohet si “përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.