Media në gjuhën serbe kanë publikuar dje (13 dhjetor) artikuj me pretendimin se i arrestuari nga Policia e Kosovës, si i dyshuar për sulmet e organizuar ndaj KKZ-së në veri të Mitrovicës, Dejan Pantiq, është në rrezik për jetë për shkak se nuk po i ofrohet trajtim mjekësor dhe po mbahet në kushte të këqija.
Artikujt janë të bazuar në deklaratat e avokatit, familjarëve të Dejan Pantiq, si dhe të shefit të zyrës për Kosovën, Petar Petkoviq.
Policia e Kosovës demanton mediat serbe dhe Petar Petkoviq, drejtor në të ashtuquajturën Zyrën për Kosovën në Serbi për pretendimet e tyre.
Vegëza e artikujve të publikuar në mediat serbe:
Pjesë të artikujve të publikuar në mediat serbe:
Avokati Srgjan Mitroviq ka thënë për Kosova Online se prokurori ka kërkuar masën e paraburgimit prej 30 ditësh edhe pse është në kundërshtim me ligjin dhe ka shtuar se pret që vendimi të merret në orët e ardhshme .
– Dejani është në një objekt në Jarinj, duket i lodhur, më është ankuar se ka fjetur në karrige – ka thënë Mitroviq.
Ai tregon se ka propozuar që i arrestuari Pantiq të lirohet ose të vendoset në arrest shtëpiak.
Mitroviq thotë se Pantiq, edhe pse i sëmurë me zemër, ende nuk e ka marrë terapinë , por i është thënë se do t’i dorëzohet sa më shpejt.
Vegëza e deklaratës së Petar Petkoviq:
Pjesë të deklaratës së Petar Petkoviq:
Dejan Pantiq për të katërtën ditë nuk ka mjekim, prandaj jeta e tij është në rrezik! Aljbin Kurti për të katërtën ditë nuk e lejon një pacient të rëndë të zemrës, i cili së fundmi i është nënshtruar operacionit, të marrë terapinë e nevojshme! Familja e tij nuk mund të kontaktojë me të.
Pretendimet të vazhdueshme nga persona të caktuar dhe disa media kryesisht serbe, përfshirë atë të fundit, të publikuar përmes video-mesazhit janë demantuar nga Policia e Kosovës.
Nga Policia e Kosovës informohet se Pantiqit i është ofruar avokati mbrojtës si dhe i është lejuar përdorimi i barnave mjekësore, duke demantuar kështu mediat serbe dhe deklaratat e shefit të Zyrës për Kosovën Petar Petkoviqit, për pretendimet e tyre.
“I njëjti është trajtuar mjaft mirë konform rrethanave të krijuara, ndaj të njëjtit janë respektuar të drejtat njerëzore që i takojnë personit të ndaluar, i janë lexuar të drejtat e tij, i është ofruar avokati mbrojtës si dhe i është lejuar përdorimi i barnave mjekësore. Po ashtu Policia e Kosovës ka arritur që të sigurojë barnat e nevojshme për personin e ndaluar.” (këtu)
Analiza:
Media në gjuhën serbe kanë publikuar artikuj me pretendimin se i arrestuari nga Policia e Kosovës, si i dyshuar për sulmet e organizuar ndaj KKZ-së në veri të Mitrovicës, Dejan Pantiq është në rrezik për jetë për shkak se nuk po i ofrohet trajtim mjekësor dhe po mbahet në kushte të këqija.
Policia e Kosovës informon se Pantiqit i është ofruar avokati mbrojtës si dhe i është lejuar përdorimi i barnave mjekësore duke demantuar kështu mediat serbe dhe deklaratat e shefit të Zyrës për Kosovën Petar Petkoviqit, për pretendimet e tyre.
Në bazë të metodologjisë së punë hibrid.info vlerëson se këto pretendimet janë të pabaza dhe konsiderohen “manipulim i fakteve”.
Vlerësimi
Vlerësimin si “Manipulim i fakteve” marrin ato raportime mediatike që përdorin fakte të njohura si të sakta, por i interpretojnë ato në mënyrë të shtrembëruara. Këto raporte zakonisht përdorin informacion të saktë për të nxjerrë përfundime ose pretendime të pasakta, duke drejtuar kështu përfundimet e konsumatorëve të përmbajtjes së mediave në drejtim të gabuar në lidhje me kuptimin aktual të fakteve të paraqitura.