Portali informativ “Kosovapost.net” ka publikuar sot (1 mars) një artikull me titull “Zjarr në fabrikën ‘Comodita’”.
Pas verifikimit të fakteve të kryer nga hibrid.info, është vërtetuar se fotografia e këtij artikulli nuk korrespondon me përmbajtjen.
Në përmbajtje bëhet fjalë për një zjarr që ka përfshirë mbrëmë një pjesë të fabrikës së dyshekëve ‘Comodita’ në Gjakovë, ndërsa në fotografinë ilustruese shihet një shtëpi duke u djegur.
Pas hulumtimit të bërë përmes programit te automatizuar online për kontroll faktesh – “InVID”, është gjetur se fotografia është nga zjarri i vitit 2009 në Kaliforninë Jugore të SHBA-së.
Vegëza e artikullit të publikuar në “kosovapost.net”:
Me përdorimin e kësaj fotografie ilustruese portal “kosovapost.net” ka lënë hapësirë që të mund të kuptohet se fotografia paraqet objektin e fabrikës së dyshekëve “Comodita’ në Gjakovë, të përfshirë nga zjarri.
Fotografia e djegies së një shtëpie është nga zjarri i vitit 2009 në Kaliforninë Jugore të SHBA-së. (këtu)
Hibrid.info ka gjetur se kjo fotografi është përdorur edhe nga media të tjera në gjuhën shqipe në artikuj që kishin të bënin me djegie shtëpish ose banesash. (këtu, këtu, këtu)
Analiza:
Portal informativ “Kosovapost.net” ka publikuar një artikull bëhet fjalë për një zjarr që ka përfshirë mbrëmë një pjesë të fabrikës së dyshekëve ‘Comodita’ në Gjakovë.
Në fotografinë ilustruese të këtij artikulli është përdorur imazhi i një shtëpie duke u djegur, imazh ky nga zjarri i vitit 2009 në Kaliforninë Jugore të SHBA-së.
Bazuar në metodologjinë e punës, hibrid.info e vlerëson këtë artikull si “Gabim”.
Vlerësimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.