Faqja në Facebook e emisionit që i kushtohet botës së automobilizmit “DriveZone”, ka publikuar sot një postim me mbishrkimin “Arrestohet 30-vjeçari që goditi me veturë dy burra në Prishtinë”.
Pas verifikimit të fakteve të kryer nga hibrid.info, është vërtetuar se një pretendim i tillë nuk qëndron.
Pas hulumtimit të kryer përmes makinave online të kërkimit, hibrid.info nuk ka gjetur asnjë medium online që ka raportuar për arrestimin e personit që ditë më parë goditi me veturë dy burra në Prishtinë. (shih këtu)
Përveç në media, raportim për arrestimin e tij nuk ka as në faqen zyrtare të Policisë së Kosovës. (shih këtu)
Vegëza e postimit të publikuar në Facebook nga faqja “DriveZone”:
Lidhur me këtë rast, zëdhënësi i Policisë së Kosovës për rajonin e Prishtinës, Agron Borovci, ka thënë për KALLXO.com se dyshohet që vetura është me targa të huaja dhe se policia ka iniciuar një hetim në drejtim të veprës penale – vrasja në tentative. (shih këtu)
“Aktualisht Policia ka ngritur dyshimet për një veturë të dyshuar me targa të huaja, ndërkaq po vijon puna policore për identifikimin dhe lokalizimin e të dyshuarit kryesor. Menjëherë pas marrjes së informatës Policia ka dalë në vendin e ngjarjes dhe nga informacionet e para është bërë e ditur për dy persona të lënduar të cilët kanë marrë trajtimin e nevojshëm mjekësor. Ndërlidhur me ngjarjen me autorizimin e prokurorit të shtetit, policia ka iniciuar një hetim në drejtim të veprës penale – vrasja në tentativë”, ka thënë Borovci për Kallxo.com.
Analiza:
Faqja “DriveZone” në Facebook ka publikuar një postim me pretendimin e rremë se është arrestuar një person që goditi me veturë dy burra në Prishtinë.
Ky lajm nuk është gjetur i publikuar në asnjë medium, por edhe për arrestimin e tij nuk ka njoftim nga Policia e Kosovës.
Bazuar në metodologjinë e punës, hibrid.info e vlerëson këtë pretendim si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
