Faqja në Facebook me emrin “The Reis” ka publikuar me 08 tetor një video-material me mbi shkrimin “Tel Aviv” në të cilën shfaqen disa zjarre raketash.
Por që hibrid.info ka verifikuar faktet dhe ka gjetur se pamjet e shfaqura janë të vjetra dhe nuk përkojnë me situatën aktuale në Izrael.
Vegëza e video-materialit të publikuar nga “The Reis”:
https://www.facebook.com/watch/?v=1004029317537514
Pas hulumtimit të kryer përmes programit të automatizuar “InVID”, hibrid.info ka gjetur të njëjtin video-material të publikuar në vitin 2021, gjë e cila mjafton për të kuptuar se pamjet e shfaqura nuk paraqesin aktualitetin. (shih këtu)
Nuk dihet se cilin vend shfaqin pamjet, ndonëse edhe në mbishkrimin e postimit të publikuar në vitin 2021 nënkuptohet se bëhet fjalë për Izraelin.
Megjithatë, hibrid.info vlerëson se faqja në Facebook me emrin “The Reis” është munduar ta paraqes këtë video-material si aktual, që lidhet me konfliktin e ditëve të fundit në Izrael.
Analiza:
Një faqe në Facebook ka publikuar një video-material ku shfaqen pamje lufte, nga mbishkrimi i së cilës lë të nënkuptohet se bëhet fjalë për luftimet e ndodhura këto ditë në Izrael.
Megjithatë, hibrid.info pas verifikimit të fakteve ka vërtetuar se pamjet e shfaqura në video-materialin e publikuar nga faqja në fjalë, janë të vjetra të publikuara qëllimisht me tendencë që të paraqiten si aktuale.
Andaj edhe bazuar në metodologjinë e punës, hibrid.info e vlerëson këtë video-material si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.