Portali i dyshimtë “gazetaprogresi.com” ka publikuar një artikull me titull “LAJMI I FUNDIT – Më në fund Lajm i mirë për vizat”.
Ky artikull përmban titull të sajuar që nuk përputhet me tekstin. Gjithashtu lajmi është i vjetër dhe ka të bëjë me premtimin e ish-ministrit të Integrimeve Evropiane në “Qeverinë Kurti”, Blerim Reka, i cili më 3 mars kishte premtuar se deri në fund të vitit Kosova do ta ketë liberalizimin e vizave.
“Gazetaprogresi.com” ka përdorur këtë lajm të vjetër duke e publikuar atë si aktual.
Teksti i artikullit të publikuar nga “gazetaprogresi.com”:
LAJMI I FUNDIT – Më në fund Lajm i mirë për vizat
Ministri i Integrimit Evropian, Blerim Reka, ka raportuar për herë të parë para anëtarëve në Komisionin për Integrime Evropiane..
Ministri Reka ka premtuar se deri në fund të vitit Kosova do ta ketë liberalizimin e vizave.Pavarësisht se tha ai se nuk do të jep data, por do të punojë në këtë drejtim dhe ka shpresa optimiste. Mes tjerash, Reka ka treguar për gjendjen në të cilën ka gjetur ministrinë.
Ministri Reka ka premtuar se deri në fund të vitit Kosova do ta ketë liberalizimin e vizave.Pavarësisht se tha ai se nuk do të jep data, por do të punojë në këtë drejtim dhe ka shpresa optimiste. Mes tjerash, Reka ka treguar për gjendjen në të cilën ka gjetur ministrinë..
Vegwza e artikullit tw publikuar nga “gazetaprogresi.com”:
Blerim Reka këtë premtim e kishte bërë gjatë kohës sa udhëhiqte me Ministrinë e Integrimeve Evropiane. Më poshtë mund të gjeni vegëzat e artikullit origjinal të publikuar në kohë reale nga disa media online:
Analiza:
Artikulli i publikuar nga “gazetaprogresi.com” përmban titull të sajuar, i cili nuk përputhet me tekstin. Gjithashtu lajmi është i vjetër, të cilin e ka publikuar qëllimisht si aktual në mënyrë që të tërheqë lexuesin dhe të përfitojë materialisht përmes klikimeve. Pas verifikimit të fakteve nga hibrid.info, ky shkrim kategorizohet si “dezinformatë” dhe “clickbait”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.