Zyra për Kosovë në Qeverinë e Serbisë, përmes një njoftimi të publikuar sot (3 gusht) në ueb-faqen e tyre zyrtare, ka pretenduar se në Kishnicë, afër Graçanicës, tabela dygjuhëshe me emrin e këtij vendi, i është fshirë emërtimi në gjuhën serbe, duke e mbuluar me të zezë. Pretendimi tjetër është se në një rrugë, që ndanë vendbanimet shqiptare dhe serbe në Kishnicë, është vendosur një tabelë me simbol të UÇK-së.
Në bazë të verifikimit të fakteve hibrid.info vëren se, nëpërmjet fotografive nuk po arrihet argumentohet se fshirja e emërtimit në gjuhën serbe të Kishnicës dhe vendosja e tabelës me mbishkrimin “UÇK Brigada 138 ‘Agim Ramadani’” të kenë ndodhur sot.
Pjesë nga njoftimi i Zyrës për Kosovën në Qeverinë e Serbisë, të përkthyera në shqip:
Në vendbanimin e Kishnicës, afër Graçanicës, ku është vendosur një tabelë dygjuhëshe me emrin e këtij vendi të përzier etnikisht, sot emri në gjuhën serbe është i gërvishtur me të zezë.
Në të njëjtën kohë, sot në rrugën nga pjesa serbe e Kishnicës në pjesën e banuar me shqiptarë, në afërsi të këndit të lojërave për fëmijë, është vendosur një tabelë me simbolin terrorist të UÇK-së.
Serbëve nga pjesa serbe e Kishnicës ju bie përballë kjo tabelë, e cila paraqet një kërcënim të dukshëm ndaj popullit serb që ka vuajtur tmerrësisht nga duart e kësaj organizate”, ka thënë kjo zyre, duke etiketuar UÇK-në me terma shpifës si “kriminale” dhe “terroriste”.
Nuk ka dyshim se ky është edhe një provokim i drejtuar nga shqiptarët që i bashkon politika antiserbe e Prishtinës dhe Aljbin Kurtit, qëllimi kryesor i të cilëve është dëbimi i të gjithë serbëve nga Kosova dhe Metohija.
Vegëza e njoftimit të Zyrës për Kosovën në Qeverinë e Serbisë në ueb-faqen zyrtare:
Ky institucion i Qeverisë së Serbisë, përpos fotografive të bëra me këndë të ngushtë, nuk arrin të dëshmojë kohën e realizimit të tyre.
Rrjedhimisht, nga hulumtimi, pretendimet e mësipërme që i bënë Zyra për Kosovën nuk mund të nxirren si të vërteta për shkak se, përmes këtyre fotografive nuk bëhet një pasqyrim i duhur i hapësirës përreth, që të dëshmonin se kemi të bëjmë me vendin e pretenduar, pra Kishnicën.
Gjithashtu, pretendimi se veprimi i aluduar nga ky institucion serb përbënë një provokim nga ana e shqiptarëve duke e ndërlidhur me, siç thuhet, politika anti-serbe e Prishtinës dhe Albin Kurtit me synim dëbimin e serbëve, nuk ka bazë të argumentimi. Zyra për Kosovën pretendimet i saja i ngrit nëpërmjet fotografive që burim kanë vetë zyrën, d.m.th. fotografitë janë realizuar nga zyra.
Artikulli me fotografi të njëjtë është publikuar edhe nga mediumet online në gjuhën serbe “novosti.rs”, “naslovi.net”, “pink.rs”, “telegraf.rs”.
Këtë njoftim të kësaj zyre, e kanë publikuar edhe mediumet online në gjuhën shqipe si: “gazetaexpress.com”, “lajmi.net”, “kosova.info”.
Analiza
Zyra për Kosovën në Qeverinë e Serbisë, me anë të fotografive ka pretenduar se në Kishnicë është fshirë emërtimi në gjuhën serbe në tabelë dhe se në rrugën ku kalohet nga pjesa serbe e Kishnicë në atë shqiptare është vendosur një tabelë me simbolin dhe mbishkrimin UÇK.
Këtë njoftim të kësaj zyre, e ka publikuar edhe medium serb “novosti.rs”, “naslovi.net”, “pink.rs”, “telegraf.rs” dhe mediumet online në gjuhën shqipe “gazetaexpress.com”, “lajmi.net”, “kosova.info”.
Pas verifikimit të fakteve bazuar në metodologjinë e punës, hibrid.info e vlerëson këtë artikull si “Përmbajtje e pa verifikuar”. Edhe pse zyra e cila ka publikuar fotografitë për të dëshmuar pretendimet e tyre, burim të fotografive si dëshmi të pretendimeve e konsideron veten, por fotografitë nuk përmbajnë detaje nëpërmjet të cilave mund të përcaktohet vendndodhja.
Arsyetimi
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
