Portalet e dyshimta “gazetashqipe.net” dhe “newstoday75.com” kanë publikuar një artikull me titull “Fatmir Limaj e përkrah idejën e Vuçiqit dhe Ramës por ka lutje të rrëzohet Kurti në Kosovë?
Pas kontrollit të fakteve të kryer nga hibrid.info, ky artikull përmban titull të rremë, që nuk përputhet në asnjë rast me përmbajtjen.
Në këtë artikull nuk paraqitet asnjë deklaratë e tillë, e bërë nga kryetari i partisë “Nisma”, Fatmir Limaj.
Në fakt, përmbajtja në artikull paraqet krejtësisht diçka tjetër. Aty publikohet deklarata e presidentit serb, Aleksandar Vuçiq, e bërë në takimin me kryeministrat e Maqedonisë së Veriut dhe Shqipërisë, Zoran Zaev dhe Edi Rama në Shkup, nga ku doli projekti për “Ballkanin e Hapur”. Vuçiq nga ky takim shfrytëzoi rastin të kritioj shtetet mos pjesëmarrëse të rajonit në këtë iniciativë, përfshi edhe Kosovën.
Pjesë nga teksti i artikullit të publikuar në portalet e dyshimta “gazetashqipe.net” dhe “newstoday75.com”:
Dhe se nisma do të ketë shumë kundërshtarë, u pa, thotë ai, nga reagimi i Albin Kurtit, por gjithmonë edhe nga reagimi i zyrtarëve nga Sarajeva, të cilët, sipas tij, nuk e kuptojnë, sepse është në interesin e tyre më të madh .
“Por, ndoshta me kaq shumë përvojë dhe njohuri, unë nuk jam mjaft profesionist dhe në gjendje të kuptoj arsyet e tyre kundër kësaj nisme … Por, nuk ka rëndësi. Ne do të vazhdojmë me këtë, sepse është e rëndësishme për ne’, shtoi kreu I shtetit serb, transmeton Klankosova.tv.
Vegëza e artikullit të publikuar në portalet e dyshimta “gazetashqipe.net” dhe “newstoday75.com”:
Ky artikull me titull të rremë është shpërndarë edhe në shumë faqe në Facebook, duke dezinformuar lexuesit se gjoja Fatmir Limaj ka përkrahur idenë e Vuçiqit dhe Edi Ramës për “Ballkanin e Hapur”.
Më poshtë mund të gjeni postimin e këtij artikulli në Facebook nga faqet si “Në Kohë”, “Specialja”, “Gazeta Aktive” dhe “Gazeta Arbëria”.
https://www.facebook.com/nekohe/posts/184726843688550
https://www.facebook.com/revistaspecialja/posts/344938707270550
https://www.facebook.com/GazetaAktive/posts/185119780324714
https://www.facebook.com/Gazeta66/posts/3972247832879658
Vegëza e artikullit autentik të publikuar nga portali “klankosova.tv”:
Analiza:
Portalet e dyshimta “gazetashqipe.net” dhe “newstoday75.com” kanë publikuar këtë artikull të cilit i është vënë qëllimshëm titull i sajuar.
Në titullin e këtij artikulli pretendohet rrejshëm se Fatmir Limaj përkrahë idenë e “Ballkanit të Hapur” si dhe gjoja ai lutet për rrëzimin e Qeverisë Kurti.
Ky artikull është shpërndarë edhe në disa faqe në Facebook, ku kanë arritur të grumbullojnë shumë reagime dhe komente prej më të ndryshmeve.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
