Një faqe në Facebook që publikon përmbajtje në gjuhën shqipe, ka postuar me datë 24 dhjetor një imazh ku shihet një fëmijë në gërmadha të ndërtesave duke e mbajtur një mace në duar.
Këtij imazhi i është vendosur mbishkrimi “Dhimbjet e fëmijëve të pambrojtur në Gaza”.
Pas verifikimit të fotografisë vërehen detaje që nuk përkojnë me një imazh real dhe i njëjti tregon shenja të Inteligjencës Artificiale.
Vegëza e postimit të publikuar në Facebook nga faqja “IDEALISTI-al”:
Pasi të analizohet fotografia nga afër vërehen deformime grafike në pjesën e gishtërinjve të fëmijës, si dhe bishti i maces nuk është në proporcion me trupin e saj.
Hibrid.info ka analizuar imazhin me aplikacione që identifikojnë përmbajtjet e gjeneruara me inteligjencë artificiale.
Pas verifikimit të kryer nga hibrid.info nëpërmjet aplikacionit Hive Motivation rezulton që imazhi është prodhuar 99.9 për qind me inteligjencë artificiale. (shih këtu)
Analiza:
Pas analizimit të imazhit të publikuar nga një faqe në Facebook, përmes aplikacioneve që identifikojnë përmbajtjet e gjeneruara me inteligjencë artificiale, del që fotografia është prodhuar 99.9 për qind me AI.
Bazuar në metodologjinë e punës, hibrid.info e vlerëson këtë imazh si “Përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.