Disa media online në gjuhën shqipe kanë publikuar një artikull me titull “Si ta zbuloni nëse keni probleme me gjëndrat tiroide”.
Këshillat shëndetësore të trajtuara në këtë artikull që kanë të bëjnë me çrregullime hormonale, nuk kanë referenca dhe nuk u dihet burimi i informacionit.
Pjesë të shkëputura nga artikulli:
“Tiroidja shfrytëzon jodin që marrim nga ushqimet për të çliruar hormonet T4 dhe T3, të cilat shkojnë në gjak. Sipas të dhënave këto hormone diktojnë metabolizmin, tretjen, rënien në peshë, plakjen e të tjera”
Vegëzat e artikullit të botuar në disa media online:
Analizë:
Ky shkrim nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst nuk janë të verifikuara. Shkrime të tilla, me këshilla mjekësore, por ta pa verifikuara, shpesh herë publikohen në mediat online të Kosovës. Hibrid.info e kategorizon këtë tekst si “Përmbajtje e pa verifikuar” me qenë se këshillat shëndetësore e paraqitura në artikull nuk u referohen ndonjë zbulimi si dhe nuk i dihet burimi i informacionit.
Arsyetimi:
Përmbajtje e pa verifikuar
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
