Faqja në Facebook “Mesazhe Islame” ka publikuar me 30 tetor një postim për gjendjen aktuale në Gaza, duke ia bashkangjitur edhe një fotografi.
Pas verifikimit të fakteve të kryer nga hibrid.info, është vërtetuar se imazhi nuk paraqet konfliktin aktual Hamas-Izrael, por i njëjti është realizuar në vitin 2014.
Vegëza e postimit të publikuar në Facebook nga faqja “Mesazhe Islame”:
Pas hulumtimit të kryer përmes programit të automatizuar “InVID”, hibrid.info ka arritur të gjejë imazhin e njëjtë të publikuar në mediumin britanik “Independent.co.uk”, ku sqarohet se fotografia është realizuar me 29 korrik 2014. (shih këtu)
Përshkrimi i imazhit, i përkthyer në gjuhën shqipe:
Nga lagjja Tuffah ngrihet tymi pas sulmeve ajrore izraelite në lindje të qytetit të Gazës, 29 korrik 2014(EPA)
Analiza:
Pas verifikimit të fakteve të kryer nga hibrid.info, është vërtetuar se faqja “Mesazhe Islame” ka përdorur fotografi të vitit 2014, të cilës i ka bashkangjitur edhe një mbishkrim rreth gjendjes aktuale në Gaza.
Bazuar në metodologjinë e punës, hibrid.info e vlerëson këtë postim si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.