Faqja në Facebook “Portali Zëri” ka shpërndarë një artikull të portalit të dyshimtë “dailybanglainfo.com” që titullohet “I gjithë vendi në lockdown, shqiptarët marrin lajmin e papritur sot”.
Pas procesit të kontrollit të fakteve nga hibrid.info, ky artikull del se përmban titull të rremë që nuk përputhet me përmbajtje, meqenëse se titulli i sajuar pretendon rrejshëm se mbyllja do të bëhet në një vend shqiptar, ndërsa lajmi brenda artikullit paraqet një vendim mbyllje të një shtetit tjetër – Italisë.
Pjesë e tekstit nga artikulli i publikuar në “dailybanglainfo.com”:
I Gjithë Vendi Në Lockdoën, Shqiptarët Marrin Lajmin E Papritur Sot
Italia, vendi ku jetojne miliona shqiptare do të jetë zonë e kuqe me një regjim lockdoëni të plotë në ditët festive e para Krishlindjes e të ndërrimit të viteve.
Nga data 24 dhjetor deri më 6 janar 2021, i gjithë vendi do të jetë një zonë e portokalltë me masa izolimi brenda komunave, rajoneve e provincave të çdo individi. Shty pe r3k 1am3n më poshtë për të lexuar lajmin e plotë:
Kryeministri italian Giuseppe Conte, tha se qeveria në kuadrin e periudhës festive, ka firmosur urdhrin e masave të reja për të luftuar rre zikun e pandemisë e cila vazhdon të regjistrojë në Itali një numër të lartë vi.ktimash e personash të infektuar.
Vegëza e artikullit të publikuar në “dailybanglainfo.com”:
Analiza:
Ky portal i dyshimtë ka përdorur një artikull i cili flet për masat e reja anti-covid gjatë festave të fundvitit të cilat do të hyjnë në fuqi në shtetin e Italisë, të cilit më pas i ka vënë titull të rremë. Gjithashtu, këtë artikull, ky portal ka dashur ta paraqes në kontekstin shqiptar, marrë parasysh se publikimi është në gjuhën shqipe, dhe ka synim audiencën shqipfolëse. Pas verifikimit të bërë nga hibrid.info, ky shkrim është kategorizuar si “clickbait”.
Arsyetimi:
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
