Portali i dyshimtë “newsonline51.com” ka publikuar një artikull me titull “Kjo qeveri e meriton të rrëzohet,së shpejti do e bëjmë këtë!”.
Me këtë titull, ky portal i dyshmtë i është referuar një postimi në Facebook të ish-komandatit të Ushtrisë Çlirimtare të Kosovës, Hisen Berisha.
Pas verifikimit të fakteve nga hibrid.info, del që ky artikull përmban titull të sajuar, pasi në asnjë rast Berisha nuk ka thënë se “Kjo qeveri e meriton të rrëzohet, së shpejti do e bëjmë këtë”, ashtu siç pretendohet rrejshëm në titullin e këtij artikulli.
Vegëza e artikullit të publikuar në “newsonline51.com”:
Pjesë nga postimi i Berishës në Facebook:
“Qeveria Kurti 2, po nuk bëri kthesë në raport më SHBA dhe rolin e tyre imediat dhe permanent për Kosovën e të ardhmen e saj, i ka ditët e numëruar. Nëse në rasti e parë qeverisja Kurti1 mbijetoi 52 ditë, tani mund ta ketë afatin më të shkurtër, apo edhe nëse zgjat do ta ketë fundin fatal”.
Vegëza e postimit të Hisen Berishës në profilin e tij zyrtar në Facebook:
https://www.facebook.com/hisenberisha327/posts/2921904878064436
Analiza:
Portali i dyshimtë “newonline51.com” ka përdorur një postim të Hisen Berishës, të cilën e ka publikuar duke i vënë titull të rremë.
I njëjti artikull është shpërndarë edhe në Facebook nga faqja “Gazeta Aktive”, duke grumbulluar reagime dhe komente të shumta.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
