Zbulimi i një vaksine shihet si arma kryesore për të mposhtur virusin Korona dhe për të kthyer jetën tonë në normalitet.
Por, paralel me këtë, në media online dhe rrjete sociale janë duke u prodhuar edhe shumë pretendime mashtruese dhe teori të rreme të konspiracionit rreth një vaksine potenciale të këtij virusi.
Deri më tani janë parë postime që, përmes injektimit të vaksinës, do të futen edhe disa mikro-çipa në organizëm nga kompania e Bill Gates (Microsoft), duke bërë ndryshime në ADN-në tonë, apo të tilla se e gjithë pandemia është një sajim.
Të gjitha këto teori konspirative dalin të jetë të pavërteta, meqenëse nuk janë të bazuar në asgjë. Këto teori janë ndërlidhur me idenë e Bill Gates që në vendet e pazhvilluara, ku nuk ka ndonjë evidencë për historikun e vaksinave për qytetarët e këtyre vendeve, t’iu bëhen tatuazhe në trup, në të cilat do të evidentohet lista e vaksinave të marra nga secili person, apo edhe krijimin e një pasaporte të vaksinave.
Gazetarë të BBC-së në Wales (Uells) të Britanisë së Madhe, kanë bërë një studim rreth ndikimit të propagandës rreth vaksinës tek përdoruesit e zakonshëm të rrjeteve sociale dhe hapësirës digjitale.
Në një video-kronikë, dedikuar kësaj teme, BBC ka prezantuar disa fakte rreth tendencës për të manipuluar për vaksinën kundër COVID-19.
Deputeti i Parlamentit të Britanisë së Madhe, Ogmore Chris Elmore, njëherit kryetar i grupit të gjitha partive të Parlamentit të MB në mediat sociale, këto dezinformata i ka quajtur si një “bombë me sahat”. Ai ka alarmuar institucionet britanike që të ndërmarrin masa që trajtojnë dezinformatat kundër-vaks.
Më tej në këtë kronikë thuhet se ndër shqetësimet më mëdha, tek kjo çështje është se këto pretendime mashtruese mund të shihen nga njerëz që janë thjesht të shqetësuar ose kuriozë për një vaksinë të mundshme.
BBC Wales mblodhi së bashku ekspertin e virologjisë Dr Richard Stanton dhe një qytetare nga ky rajon me emrin Laura, e cili ishte e shqetësuar për idenë e një vaksine kundër COVID-19, pas pretendimeve që ajo kishte dëgjuar. Ky bashkëbisedim shërbeu që të ndajnë faktet nga trillimet.
Dhe Richard ofron këshillat e tij kryesore se si të dalloni një pretendim mashtrues të vaksinës në internet.
(Artikull nga BBC)
https://www.bbc.com/news/av/embed/p08qmpfl/54025798
