Disa faqe në median sociale Facebook kanë publikuar një imazh me mbishkrimin “Maqedonci: Përveç (Omtas) dhe (Javelin), FSK do të pajiset edhe me anti-tank (Panzerfaust)”.
Pas verifikimit të fakteve të kryer nga hibrid.info, nuk është gjetur një deklaratë e tillë e bërë nga ministri i Mbrotjes, Ejup Maqedonci, që përmend specifikisht blerjen e anti-tankeve Panzerfaust.
Vegëzat e postimit të publikuar në disa faqe në Facebook:
Hibrid.info ka arritur të gjejë dy intervistat e dhëna gjatë ditëve të fundit (11&12 janar), në mediumet vendore “KTV” dhe “RTV Dukagjini”, ku Maqedonci flet rreth armatimit te Forcës së Sigurisë së Kosovës. (shih këtu dhe këtu)
Maqedonci në asnjëren intervistë të dhënë nuk ka përmendur se FSK-ja do të pajiset me anti-tank “Panzerfaust”, por vetëm ka treguar shtetet me të cilat kanë bashkëpunuar ndër vite, duke përfshirë edhe Gjermaninë, që është prodhues i këtyre tankeve. (shih këtu dhe këtu)
Gjithashtu, as në profilin zyrtar të tij në median sociale Facebook ai nuk ka bërë ndonjë deklaratë të tillë. (shih këtu)
Analiza:
Disa faqe në median sociale Facebook kanë publikuar një imazh, ku përmes mbishkrimit pretendohet se Ministri i Mbrojtjes, Ejup Maqedonci ka thënë se FSK- ja do të pajiset edhe me anti-tank “Panzerfust”.
Pas verifikimit nga hibrid.info, nuk është gjetur ndonjë deklaratë e tillë e bërë nga Maqedonci.
Në bazë të metodologjisë së punës, hibrid.info e vlerëson këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
