Artikulli me titull “Prokuroria Speciale fton edhe këta Gjeneral Serb në Gjykat, tronditet Vuçiq”, është publikuar nga portali i dyshimtë në gjuhën shqipe “abandoned-news.com”.
Nga kontrolli i fakteve i kryer nga hibrid.info, është vërtetuar se ky artikull përmban titull të rremë, i cili nuk përputhet me përmbajtjen në tekst, pasi lajmi është i vjetër i cili është publikuar në qershor të vitit 2018.
Në këtë lajm të vjetër flitet kur Grupi i Shoqërisë Civile për grumbullimin e dëshmive për krime lufte dhe përgatitjen e kallëzimeve penale kundër të dyshuarve serbë gjatë luftës së viteve 1998/99, kishte dorëzuar më 27 qershor 2018 kallëzime penale në Prokurorinë Speciale.
Pra, nuk ka asnjë gjeneral serb të ftuar nga Prokuroria Speciale, siç pretendohet në titull.
Teksti i artikullit të publikuar në “abandoned-news.com”:
Grupi i Shoqërisë Civile për grumbullimin e dëshmive për krime lufte dhe përgatitjen e kallëzimeve penale kundër k r i m i n e l ë v e serbë gjatë l u f t ë s së viteve 1998/99, do të dorëzojë sot pesë kallëzime penale.
Kallëzimet penale do të dorëzohen në ora 11:00, në Prokurorinë Speciale , respektivisht në Departamentin për k r i m e L u f t e që udhëhiqet nga koordinatorja për k r i m e l u f t e, nga prokurorja speciale. /
Vegëza e artikullit të publikuar në “abandoned-news.com”:
Gjithashtu, në këtë artikull, ky portal i dyshimtë ka vendosur një fotografi në të cilën shihen pamjet (fotografitë) e një pjese e të pagjeturve kosovarë në luftën e fundit kundër Serbisë.
Më poshtë mund të gjeni artikullin autentik të publikuar në kohë reale nga disa media online.
Analiza:
Portali i dyshimtë “abandoned-news.com” ka përdorur një lajm të vjetër të cilin e ka publikuar me pretendimin ta paraqesë atë si aktual, duke i vënë titull të rremë që nuk përputhet në asnjë rast me përmbajtjen në tekst.
Ky artikull është shpërndarë edhe në Facebook në faqen “Gazeta Aktive”, e cila numëron mbi 90 mijë ndjekës.
Pas analizës së kontrollit të fakteve bazuar në metodologjinë e punës, hibrid.info e vlerëson këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.