Portali i dyshimtë “postlajme.net” ka publikuar një artikull me pretendim të rrejshëm që presidentja e Kosovës, Vjosa Osmani është kthyer nga samiti vjetor të Procesit të Bashkëpunimit në Evropën Juglindore, që po mbahet në Turqi, duke sjell një lajm të mirë sa i përket liberalizimit të vizave për Kosovën.
Pas kontrollit të fakteve të kryer nga hibrid.info, del që ky artikull përmban titull të sajuar dhe se përmbajtja e tij është ndryshe nga ajo që pretendohet në titull.
Artikulli është marrë nga portali “gazetaexpress.com”, ku sqaron se Osmani në këtë samit ka kërkuar liberalizim të vizave për kosovarët, e jo siç pretendohet rrejshëm në titullin e artikullit të publikuar në “postlajme.net”.
“Sic po lëvizim ne me shpejtësi drejt integrimit të vendit tonë, duke i përmbushur të gjitha kërkesat e parashtruara ndaj nesh, edhe Bashkimi Europian duhet ta vlerësojë angazhimin e qytetarëve të Kosovës dhe ta mbajë premtimin për liberalizim të vizave”, ka shkruar ndër të tjerash Osmani në profilin e saj zyrtar në Facebook.
Vegëza e artikullit të publikuar në portalin e dyshimtë “postlajme.net”:
Më poshtë mund të gjeni artikullin e “gazetaexpress.com”, nga e cila është marrë teksti i publikuar nga “postlajme.net”, ku i është ndryshuar komplet titulli.
Vegëza e postimit të presidents Osmani në profilin e saj zyrtar në Facebook:
https://www.facebook.com/VjosaOsmaniMP/posts/338307094320503
Analiza:
Portali i dyshimtë “postlajme.net” ka përdorur një artikull të publikuar nga “gazetaexpress.com”, të cilin e ka publikuar duke i vënë titull të rremë, në mënyrë që të tërheqë lexuesit të klikojnë në të.
I njëjti artikull është shpërndarë edhe në faqen “33shi.com” në Facebook e cila numëron afër 50 mijë ndjekës.
Pas analizës së kontrollit të fakteve bazuar në metodologjinë e punës, hibrid.info këtë artikull e vlerëson si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
