Shkroi: Etrit Rexhepi
Është publikuar një imazh që pretendon se paraqet një sondazh, ku tregohet mbështetja elektorale ndaj subjekteve politike në Kosovë, para zgjedhje parlamentare të 9 shkurtit.
Përmbajtja është publikuar më 1 shkurt, në TikTok nga një llogari me emrin “a.h19977”.
Sa është kredibil sondazhi?
Pas hulumtimit të kryer nga hibrid.info, nuk është gjetur se një sondazh i tillë është publikuar nga burime kredibile.
Rezultatet e paraqitura në këtë sondazh të pretenduar janë: Partia Demokratike e Kosovës (PDK) – 27.3, Lëvizja Vetëvendosje (LVV) – 27.2 %, Lidhja Demokratike e Kosovës (LDK) – 24.6 %, Aleanca për Ardhmërinë e Kosovës (AAK) – Nisma Socialdemokrate 14.6 % dhe Lista për Familjen – 6.3%.
Hibrid.info ka hulumtuar përmes makinës online të kërkimit “Google”, duke kërkuar me fjalët kyçe “PDK – 27.3, LVV – 27.2 %, LDK – 24.6 %, AAK – Nisma Socialdemokrate 14.6 % dhe Lista për Familjen – 6.3%”.
Por, rezultatet nga ky kërkim nuk kanë shfaqur një sondazh të tillë.
Hibrid.info ka trajtuar në disa raste përmbajtje që pretendojnë se paraqesin sondazhe (shih këtu, këtu dhe këtu).
Analiza:
Pretendimi se është realizuar një sondazh për mbështetjen popullore ndaj partive politike në Kosovë, është i pasaktë.
Pas verifikimit të fakteve, hibrid.info ka gjetur se sondazhi i pretenduar nuk është publikuar nga burime kredibile.
Bazuar në metodologjinë e punës, hibrid.info e vlerëson këtë përmbajtje si “Lajm i rremë”.
Arsyetimi:
Vlerësimin “Lajm i rremë” e marrin ato përmbajtje informative që janë tërësish të sajuara apo të cilat në vete përmbajnë pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.