Llogaria në median sociale Facebook me emrin “Herian Lach” ka publikuar me datë 26 shkurt një postim me pretendimin se ky person ka vendosur që të jap donacion veturën e tij (Toyota RAV4), siç pretendohet shkaku i migrimit në Shtetet e Bashkuara të Amerikës.
Pas hulumtimit të bërë përmes programit të automatizuar online “InVID”, hibrid.info ka gjetur shpalljen e kësaj veture në platformën online për shitblerje të automjeteve në Rumani “Auto.ro”.
Shpallja është publikuar me datë 7 qershor të vitit 2020 nga përdoruesi me emër “Grazina Skurbik”, e cila sipas përshkrimit të bërë në këtë shpallje, atëkohë kishte vendosur që ta jepte falas.
Pra, siç duket llogaria “Herian Lach” ka përdorur këtë shpallje të vjetër nga platforma rumune, duke pretenduar rrejshëm se të interesuarit për ta marr këtë veturë duhet të dërgojnë një e-mail në adresën elektronike “[email protected]”.
Vegëza e postimit në Facebook nga llogaria “Herian Lach”:
https://www.facebook.com/groups/1144864652222214/user/100083544095891/
Llogaria postimin e parë e ka krijuar me datë 15 korrik 2022, si dhe ka fotografinë e një personi afrikan (këtu). Siç duket kjo llogari është e dyshimtë, pasi e njëjta nuk ka asnjë histori të gjatë postimesh që korrespondojnë dhe kanë harmoni e lidhshmëri (këtu).
Këtë shpallje, kjo llogari e ka shpërndarë edhe në një grup në Facebook me emrin “Bujqësia dhe Blegtoria në Kosovë”, e cila numëron mbi 6 mijë anëtarë. (shih këtu)
Pas hulumtimit përmes “InVID”, rezultati i vetëm që është dhënë për këtë makinë, është gjetur në platformën online në Rumani për shitblerje të veturave “Auto.ro”, e publikuar me datë 7 qershor 2020. (shih këtu)
Përshkrimi i shpalljes i përkthyer në shqip, i publikuar në Auto.ro më 7 qershor 2022 nga përdoruesi me emër “Grazina Skurbik”:
Përshëndetje, unë quhem Grazina Skurbika, dua t’i ofroj makinën time Toyota Rav4 dikujt që ka nevojë. Unë punoj në menaxhim biznesi dhe komercial. Kam mjaft makina. Kështu që unë do të doja t’i jap makinën time dikujt që ka nevojë për të. Është një makinë e mirë. Arsyet e pakta që dua ta dhuroj këtë makinë janë sepse dua të shkoj në Angli për një kontratë pune 10-vjeçare. Pra, duke e mbajtur makinën në shtëpi, do të doja t’ia bëja këtë dhuratë dikujt që duhet të informojë një pronar të ri që mund të përfitojë prej saj dhe të kujdeset për të. Sepse pastori im më këshillon t’ia jap makinën dikujt në nevojë. Nëse jeni të interesuar, më kontaktoni me email ose agjencinë e transportit përgjegjës për dërgimin e makinës me Whatssap Whatssap: +447451285884
Analiza:
Nga verifikimi i fakteve i kryer nga hibrid.info është vërtetuar se llogaria në Facebook me emrin “Herian Lach” ka publikuar një shpallje të rreme për dhënien e një veture falas, e cila bazuar në rezultatet e hulumtimit është marr nga platforma online për shitblerje të veturave në Rumani “Auto.ro”.
Këtë shpallje të rreme llogaria e lartcekur ka pretenduar se të interesuarit për këtë veturë, duhet të kontaktojnë përmes një adrese elektronike.
Bazuar në metodologjinë e punës, hibrid.info e vlerëson këtë shpallje/njoftim si “Mashtim”.
