Portale të dyshimta në gjuhën shqipe “readkoala.com” dhe “gazetashqipe.com” kanë publikuar një artikull me titull “Dit Zie për Europën: Ndërron jetë ‘Nëna’ e gjithë Shqipëtarëve dhe popullit Gjerman”.
Këtij artikulli i është vënë edhe fotografia e kancelares gjermane, Angela Merkel, duke lënë të kuptohet se bëhet fjalë për vdekjen e saj.
Pas kontrollit të fakteve të kryer nga hibrid.info, ky artikull rezulton se përmban titull dhe fotografi të rreme, pasi lajmi ka të bëjë me vdekjen e nënës së Angela Merkel-it.
Gjithashtu, lajmi është i vjetër, i cili u publikua më 10 prill të vitit 2019.
Pjesë nga teksti i artikullit të publikuar në “readkoala.com” dhe “gazetashqipe.com”:
Në moshën 90 vjeçare ka ndërruar jetë, Herlind Kasner, nëna e kancelares gjermane, Angela Merkel.
Sipas mediave të huaja, vde. kjae nënës së kancelares gjermane u bë e ditur nga një prej zëdhënësve të Qeverisë së Gjermanisë.
Vegëza e artikullit të publikuar në “readkoala.com” dhe “gazetashqipe.com”:
I njëjti artikull është shpërndarë edhe në Facebook në faqet si “Gazeta Arbëria”, “Specialja” dhe “Në Kohë”, të cilat kanë grumbulluar një numër të madh komentesh e reagimesh, duke dezinformuar lexuesit se gjoja ka ndërruar jetë kancelarja gjermane.
https://www.facebook.com/Gazeta66/posts/3963992970371811
https://www.facebook.com/nekohe/posts/182669597227608
https://www.facebook.com/revistaspecialja/posts/342813427483078
Më poshtë mund të gjeni artikullin e publikuar në kohë reale (10 prill 2019) të publikuar në disa media online në Kosovë.
https://indeksonline.net/nderron-jete-nena-e-kancelares-gjermane-angela-merkel/
https://www.botasot.info/evrope-bota/1065446/vdes-nena-e-merkel/
Analiza:
Portalet e dyshimta “readkoala.com” dhe “gazetashqipe.com” kanë publikuar një lajm të vjetër të vitit 2019 që flet për vdekjen e nënës së Angela Merkel, por të njëjtit artikull i është vënë titull i rremë që pretendon se bëhet fjalë për vdekjen e kancelares gjermane. Angela Merkel.
Gjithashtu, edhe fotografia e këtij artikulli nuk është adekuate, pasi në të shihet portreti i Angela Merkel-it.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
