Portali i dyshimtë “gazetamitrovica.com” ka publikuar një artikull me titull të sajuar “Albin Kurti, cila do familje që ska asnjë të punësuar 300 Eur në…”.
Nga kontrolli i fakteve, hibrid.info ka gjetur se titulli i këtij artikulli është i rremë, pasi nuk përputhet me përmbajtjen e tekstit.
Lajmi është i vjetër, i publikuar në shtator të vitit 2019, atëkohë kur Albin Kurti synonte postin e Kryeministrit të vendit në zgjedhjet e 6 tetorit të atij viti.
Kurti kishte premtuar se gjatë qeverisjes së tij me vendin, do të ndahet mirëqenia duke paguar shtesat për fëmijë dhe do të hiqet tatimi për të ardhurat deri në 300 euro sepse askush nuk duhet paguar për ekzistencë.
Vegëza e artikullit të publikuar në “gazetamitrovica.com”:
Më poshtë mund të gjeni artikullin e publikuar në kohë reale (30 shtator 2019) të publikuar në disa media online në Kosovë.
https://klankosova.tv/kurti-nuk-do-te-kete-familje-pa-kulm-mbi-koke-e-pa-dike-te-punesuar/
Analiza:
Portali i dyshimtë “gazetamitrovica.com” ka publikuar një artikull të vjetër të vitit 2019, të cilin është munduar ta paraqesë si aktual, duke i vendosur titull të rremë.
Pas analizës së kontrollit të fakteve përmes metodologjisë së punës, hibrid.info e ka vlerësuar këtë artikull si “dezinformatë”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
