Portali i dyshimtë “konakushqiptar” ka publikuar një artikull me titull të sajuar “EKSKLUZIVE / E gjithe serbia ne ‘panik’ ja me cfare mjete do pajiset FSK nga Amerika. Falemnderit Amerike”.
Pas verifikimit të fakteve nga hibrid.info, është vërtetuar se ky artikull është i vjetër, ndërsa titulli i sajuar, i cili nuk përputhet me përmbajtjen.
Lajmi autentik është publikuar në maj të vitit 2020, atëkohë kur komandanti i FSK-së, Rrahman Rama, kishte deklaruar se “pos pajisjeve të blinduara, tani ushtria e Kosovës po mendon të krijojë edhe flotë ajrore, duke u pajisur me helikopterë”.
Pra, nuk është e vërtetë se FSK-ja do të pajiset me mjete nga Amerika, siç pretendohet rrejshëm në titull.
Pjesë nga teksti i artikullit të publikuar në “konakushqiptar.com”:
F0rca e Sigurisë tani po planifi,kon të furniz0het me pajisje shtesë dhe tashmë kanë nën.shkruar disa kontrata për furn,izim me mjete të nevojshme.Një gjë të til lë e pohon komandanti i FSK’së Gjenerali bënë të di.tur se për çfarë mjete kanë nevojë të furniz,ohen ushtarët e Kosovës.E pos pajisjeve të bIind uara, tani ushtr,ia e K,osovës po mendon të krijojë edhe fIotë aj,rore. thotë se po men.dojnë që të pajisen me helikopter.
Vegëza e artikullit të publikuar në “konakushqiptar.com”:
I njëjti artikull është shpërndarë edhe në Facebook nga faqja “Gazeta Aktive”, e cila numëron mbi 90 mijë ndjekës.
https://www.facebook.com/GazetaAktive/posts/231190702384288
Më poshtë mund të gjeni artikullin e publikuar në kohë reale (26 maj 2020) nga disa media online në Kosovë:
https://sinjali.com/ushtria-e-kosoves-do-te-pajiset-me-helikoptere/
Analiza:
Portali i dyshimtë “konakushqiptar” ka publikuar një artikull të vjetër, me pretendimin ta paraqesë atë si aktual, duke i vënë titull të rremë.
Ky artikull është shpërndarë edhe në Facebook nga faqja “Gazeta Aktive”, ku ka grumbulluar numër të madh të reagimeve dhe shpërndarjeve.
Pas analizës së kontrollit të fakteve përmes metodologjisë së punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
