Portale të dyshimta kanë publikuar një artikull me titull “Kjo ishte vetëm fillimi, Kosovën me rastin e Kishës në Prishtinë po e marrim Kosovën”.
Hibrid.info pas kontrollit të fakteve, ka gjetur se titulli i këtij artikulli si dhe fotografia nuk i përgjigjen përmbajtjes së tekstit.
Në fotografi shihet presidenti i Serbisë, Aleksandër Vuciq, ndërsa në përmbajtjen e tekstit gjendet njoftimi i organizatorëve të “Liturgjisë”, të mbajtur më 10 qershor në kishën ortodokse në Prishtinë (objekt ky i kontestuar tash e sa kohë), të cilët thanë se ‘kjo ndodhu për herë të parë që nga viti 1998’.
Pra, nuk ka asnjë deklaratë nga Vuqic, siç pretendohet rrejshëm në titullin e këtij artikulli.
Teksti i artikullit të publikuar në portalet e dyshimta “klikoshqip.com” dhe “specialja.com”:
Sot është mbajtur një liturgji në kishën e ashtuquajtur të “Krishtit Shpëtimtar” e cila ndodhet brenda kampusit të Universitetit të Prishtinës në kryeqytet, objekt ky i kontestuar tash e sa kohë.
Me anë të rrjeteve sociale, vetë organizatorët kanë njoftuar në lidhje me mbajtjen e këtij organizimi, duke thënë se ‘kjo ndodhi për herë të parë që nga viti 1998’.
Vegëza e artikullit të publikuar në “klikoshqip.com” dhe “specialja.com”:
Më poshtë mund të gjeni vegëzat e artikullit autentik të publikuar në kohë reale në disa media online.
https://klankosova.tv/https-klankosova-tv-wp-admin-post-phppost1506019actionedit/
Analiza:
Këto portale të dyshimta kanë publikuar një lajm që ka të bëjë me mbajtjen e riteve fetare nga serbët në kishën ortodokse në Prishtinë, ndërsa këtij artikulli i kanë vënë titull të rremë dhe fotografi që nuk përputhet me lajmin.
Pas analizës së kontrollit të fakteve, bazuar në metodologjinë e punës, hibrid.info këtë artikull e vlerëson si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.