Kosova ka vazhduar të jetë temë e rëndësishme për krijimin e lajmeve kontroverse dhe të pavërteta në mediat pro-qeveritare serbe e ruse, duke përcjellë agjendë shtetërore propaganduese.
Momentet historike dhe ngjarjet e rëndësishme politike në dhe rreth Kosovës, kanë vazhduar të interpretohen njëanshëm nga mediat e afërta me pushtetin në Serbi dhe seksionet e mediave shtetërore ruse në rajonin e Ballkanit. Temat që ndërlidhen me Kosovën, por edhe me shtetet tjera në rajonin e Ballkanit me politikë të orientuar kah perëndimi, janë shfrytëzuar për të krijuar dezinformata dhe lajme të rreme nga këto media.
Ndërlidhjen e agjendës politike të Serbisë dhe Rusisë me një zinxhirë të mediave në Serbi e rajon, e vërteton edhe një hulumtim i përgatitur nga platforma për kontroll të fakteve me seli në Sarajevë, “Raskrinkavanke.ba”. Sipas këtij hulumtimi, publikimi dhe shpërndarja e artikujve të tillë propagandues, bëhet nga mediat e afërta me mediumin shtetëror rus “Sputnik” dhe atij publik serb “RTS”. Media të tilla, sipas këtij studimi, dalin të jenë edhe ato të apostrofuara në analizat e hibrid.info.
Gjatë këtij viti, hibrid.info ka arritur të dekonspiroj disa nga raportimet në mediumet por-pushtetit në Serbi e Rusi, që ndërlidhen me propagandën ndaj Kosovës, çështjes shqiptare dhe vendeve tjera të rajonit me orientim pro-perëndimor: