Në Ditën Ndërkombëtare të Kontrollimit të Fakteve, u organizua një aktivitet i veçantë me qëllim rritjen e ndërgjegjësimit mbi rëndësinë e verifikimit të informacionit dhe sfidat që sjell çrregullimi informativ në sferën mediale.
Në bashkëpunim me Shkollën e Mesme të Lartë “Sami Frashëri”, u zhvillua një diskutim me nxënësit mbi rëndësinë e kontrollimit të fakteve dhe zhvillimit të mendimit kritik.
Në këtë aktivitet mori pjesë edhe Ambasadori i Shteteve të Bashkuara në Kosovë, Jeffrey M. Hovenier, i cili bashkëbisedoi me nxënësit rreth rolit të fact-checking-ut dhe nevojës për qasje kritike ndaj informacionit në epokën digjitale.
Ky aktivitet u vlerësua si një kontribut i rëndësishëm në edukimin mediatik të të rinjve dhe forcimin e aftësive të tyre për të dalluar informacionin e saktë nga dezinformimi.
