Hibrid.info mori pjesë në konferencën e organizuar nga Departamenti i Gazetarisë i Universitetit të Prishtinës, për të shënuar Ditën Ndërkombëtare të Lirisë së Shtypit. Me temën “Liria e shprehjes në kohën e çrregullimit informativ”, përfaqësues të mediave vendore, ndërkombëtare dhe sferës akademike së bashku me studentët e gazetarisë diskutuan mbi lirinë e shprehjes në kohën e çrregullimit informativ.
Në mesin e penalistëve ishin Shkelzen Osmani nga platforma për verifikim të fakteve hibrid.info, Lyudmila Makey, gazetare nga Ukraina, Amina Omid, gazetare nga Afganistani, si dhe Samir Al-Alami, i angazhuar në departamentin e Gazetarisë në kuadër Fulbright ETA.
Osmani nga hibrid.info foli për brishtësinë e lirisë së shprehjes në epokën e çrregullimit informativ duke vënë theksin tek hapësira digjitale. Njëkohësisht, Osmani vëri në pah edhe punën që bënë hibrid.info në identifikimin e keqpërdorimit të lirisë së shprehjes për të dezinformuar dhe rekomandimet që kjo platformë ka ofruar për rregullimin e kësaj çështjeje.
“Ne si hibrid.info kemi bërë disa raporte dhe në njërin prej tyre kemi dhënë edhe rekomandime se si mund të rregullohet kjo çështje. Në vendet demokratike e kryesisht tek ato me demokraci në konsolidim, siç është Kosova, duhet që dora e institucioneve shtetërore në rregullimin e ekosistemin e informacionit të vërehet sa më pak. Në fakt, ajo që ne kemi rekomanduar, bazuar edhe në praktikat e shteteve demokratike evropiane, është që akterët e shoqërisë civile, përfshi këtu organizatat që fokus kanë informimin dhe mediat, trupat vetërregullues e të ngjashme të forcohen dhe të punojnë me kapacitete të plota për të trajtuar dhe menaxhuar këtë ekosistem”, tha Osmani.
Për më tepër, gazetaret nga Ukraina dhe Afganistani shpalosën sfidat e lirisë së shtypit në vendet e tyre dhe përvojën e tyre në ushtrimin e profesionit të gazetarisë në Kosovë.
Hibrid.info është pjesë e bashkëpunimeve të ndryshme me Departamentin e Gazetarisë të Universitetit të Prishtinës.
