Media online në gjuhën shqipe kanë raportuar dje (15 mars) rreth vërshimeve që kanë përfshirë jugun e Turqisë, të shkaktuara nga reshjet e shiut.
Këtij artikulli, mediat i kanë vënë një fotografi që nuk i përgjigjet përmbajtjes.
Pas verifikimit të fakteve të kryer nga hibrid.info u vërtetua se, imazhi nuk paraqet vërshimet e datës 15 mars, por ato në provincën veriore të Turqisë në vitin 2021.
Vegëzat e artikullit të publikuar në disa media online në gjuhën shqipe:
https://gazetainfokus.com/permbytje-te-frikshme-pushtojne-jugun-e-turqise/
Pas verifikimit përmes programit të automatizuar “InVID”, hibrid.info ka arritur të gjejë imazhin e përdorur nga mediat e lartcekura, i cili paraqet vërshimet e muajit gusht 2021 në Turqi.
Imazhi është gjetur në mediumet e huaja si “AlJazeera.com” dhe “NBCNews.com”, të cilat kishin raportuar për vërshimet në Turqi (gusht 2021). (shih këtu dhe këtu)
Analiza:
Nga procesi i kontrollit të fakteve dhe trajtimi i tyre u kuptua se disa media online në gjuhën shqipe kanë raportuar për vërshimet në Turqi të datës 15 mars, e që imazhi që është përdorur në artikull i përket një ngjarjeje tjetër.
Hibrid.info ka arritur të vërtetojë se fotografia nuk paraqet vërshimet e datës 15 mars në Turqi, por ato të muajit gusht 2021.
Bazuar në metodologjinë e punës, hibrid.info i vlerëson këta artikuj si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.