Influencues të shumtë në rrjete sociale nga Franca, kanë bërë të ditur se kanë pranuar oferta të çuditshme financiare, për të shpërndarë propagandë negative për vaksinat Pfizer.
Ata kanë thënë se, disa agjenci që pretendojnë se janë nga Mbretëritë e Bashkuara, i kanë kontaktuar ata, duke iu ofruar “partneritet”.
Léo Grasset, i cili ka 1.17 milion përcjellës në YouTube, ka bërë një postin në Tweeter (në frëngjisht) ku thotë se “një buxhet kolosal” i është premtuar nga një klient “i cili kërkon të mbetët anonim”.
Ai ka shtuar se adresa që i është dhënë nga kjo agjenci, duke të jetë false.
Ai ka thënë se profilet e personave që kishin ofruar këtë lloj “partneriteti”, ishin fshirë pas një kohe, por jo para se ta kuptonte se “që të gjithë ata kishin punuar në Rusi”.
Léo Grasset postoi ato që ai tha se ishin udhëzime nga agjencia, duke e nxitur atë të mos përdorte fjalë të tilla si “reklamë” ose “video e sponsorizuar” nëse do të pranonte ofertën e partneritetit.
“Paraqisni materialin si pamjen tuaj të pavarur”, thuhej në email.
Ai gjithashtu tha se i këta persona i kërkonin që të përhapte në mesin e ndjekësve të tij një pretendim të rremë se niveli i vdekjeve midis të vaksinuarve nga Pfizer është pothuajse tre herë më i lartë sesa midis atyre që kanë marrë AstraZeneca.
Disa Influencues tjerë francezë të rrjeteve sociale, që janë të përfshirë në fushën e shëndetit dhe shkencës, thanë se ishin kontaktuar me një ofertë të ngjashme.
Et Ça Se Dit Médecin, një praktikant spitali me më shumë se 85,000 ndjekës të Instagram, i tha BFMTV të Francës se atij iu ofruan 2,050 € për një histori prej 30 sekondash në llogarinë e tij.
Ndërkohë, Ministri Francez i Shëndetësisë Olivier Véran i tha BFMTV se nuk e di nga vjen kjo [ofertë partneriteti], nga Franca apo jashtë saj. “Është patetike, është e rrezikshme, është e papërgjegjshme dhe nuk funksionon”, tha ai.